Törek matbuğatına küzätü 04.10.2018

“Sabah” gazetı: “Niderlandtan Törkiyägä kapital salu yullaması”

Niderland Tışqı êşlär ministrı Stef Blok räsmi säfär belän kilgän Änkaradan Törkiyägä kapital salaçaqlarına qağılışlı yullamasın citkerde. Niderland ministrı: "Törkiyäneñ bik zur tiz üsü potenśialı bar. Bu soñğı 10 yılda bezgä berniçä tapqır kürsätelde. Niderlandta investiśiya kertergä telägän keşelärneñ buluın beläm. Qatnaş iq’tisad komissiyasın monıñ öçen qullanırğa häm säwdä êlemtälärebezne üsterergä telibez”, - dip äytte.

“Xäbär Türk” gazetı: “D-8 illäre arasında säwdäneñ arttırıluı maqsat itelä”

Alğa kitkän sigez il (D-8) Ğomum särkätibe Malayziyalı ilçe Ku Jaafar Ku Şaari D-8 illäreneñ mönäsäbätlären köçäytü telägenä iyä buluların belderep: "Äğ’za illär arasındağı säwdäne ike tapqırğa arttırunu küzdän kiçeräbez”, - dip äytte. Şaari, İstanbul Sabiha Gökçän xalıqara hawa mäydanı (İSG) belän D-8 arasında avgust ayında imzalanğan yaxşı niyät kileşüen xäterlätep: "Bu kileşü belän İstanbul Sabiha Gökçän xalıqara hawa mäydanı berençe bulıp saylanğan D-8 aêroportı buldı”, - dip äytte.

“Star” gazetı: “Ximiya tarmağı êksportta ikençelekkä kütärelde”

Ximiya tarmağınıñ sentyabr’ ayı êksportı 2017nçe yılnıñ sentyabr’ ayına qarağanda 19,79%qa artıp, 1 milliard 534 million dollar bularaq tormışqa aştı häm avtomobil’dän soñ Törkiyäneñ iñ küp êksport başqarılğan ikençe tarmağı buldı. Sentyabr’ ayında iñ küp êksport başqarılğan illär isemlegendä in yuğarı noqtada 129 million 726 meñ dollarlıq êksport sannarı belän İspaniya torsa, Misır 104 million 959 meñ dollarlıq êksport belän ikençe, Ğiraq (Ğıyraq) 82 million 660 meñ dollarlıq êksport belän öçençe urında. Bu illärdän soñ isemlektä Germaniya, Amerika Quşma Ştatları, Hindstan, Greśiya, Soğud Ğaräbstanı, İtaliya häm Angliya tora.

“Watan” gazetı: “Balıkäsirneñ Sındırgı ilçäsendä kaolin yatması çığa”

Daru, kesä telefonı, televizor, pıyala, aşlama, terlek azığı, qağäz, buya, şin, yabıştıruçı, keramika häm yazu qarasında qullanılğan Törkiyädä 421 million tonna tiräsendä rezervı bulğan kaolin yatması iñ küp Balıkäsirneñ Sındırgı ilçäsendäge Düvärtäpä mäydanınnan çığarıla. İl külämendä farfor häm keramika êşläp çığarıluında qullanılğan kaolin sonğı  yıllarda igençelektä üsemlek häm terlek quşılğan matdäse bularaq da pazarğa täq’dim itelä. Kaolin investiśiyälär belän êşlätelgän oçraqta il iq’tisadına zur öleş kertäçäge bäyälänä.

“Yäni Şafak” gazetı: “AQŞ säyäxät yazuçısı berençe urınğa Kapadokiyanı yazdı”

Dön’yanıñ iñ tanılğan säyäxät yazuçısı Sofie Miura böten waqıtlarnıñ iñ yaxşı 5 yal itü urının açıqladı. Miura: “Kapadokiya, älbättä, berençe urında”, - dip äytte. Sofie Miura: "Ul urın xosusıy, üzençälekle. Şar belän säyäxät itü mine oçırdı. Ayğa hiç bu qadär yaqın bula almağan idem", - dip äytte. Miuranıñ isemlegendä ikençe urında Montenegro (Qarataw) Kotor, Sloveniya Lake Bled öçençe urında.