Törek matbuğatına küzätü 01.10.2018

”Xörriyät” gazetı “Dönyanıñ tanılğan şirkätläre Törkiyägä kilä” isemle xäbärendä telekommunikaśiya tarmağınıñ tanığan şirkätläreneñ 1-3 nçe oktyabr’ könnärendä Antaliyada oçraşaçağın xäbär itä.

Xalıqara operatorlarnıñ kliyentları çarasında 40 tan kübräk ildän 120 şirkätneñ qatnaşuı kötelä.  

”Vatan” gazetınıñ “Toraq satu arta” isemle xäbärennän kürengänçä, Törkiyädä iñ möhim kapital salu törlärennän berse bulğan toraq tarmağında satular soñğı 6 yılda daimi räweştä artış kürsätte.

2013 nçe yılnıñ ğıynwar ayınnan başlap 2018 nçe yılnıñ avgust ayına qadärge däwerdä tuplam 5 million 896 meñ 269 toraq satıldı. Bıyılnıñ bu çorında isä 875 meñ 64 toraq xucasın almaştırdı.

”Yäni Şafak” gazetı “Törek hawa yullarınnan bagaj problemasın xäl itüçe texnologiya” isemle xäbärendä Törek hawa yullarınıñ yaña texnologiyası belän monnan soñ yulçılarnıñ ozaq waqıt bagaj alu urınında kötmayäçäkläre turında yaza.

Xäbärdän kürengänçä, bagaj kartasın yögenä quyğan yulçılarnıñ bagajları tapşıru urınına kilep citkäç alarnıñ telefonnarına belderü kiläçäk.    

”Star” gazetı ”Diñgezdä 2 milliard lirağa şou” isemle xäbärendä 2-8 nçe oktyabr’ könnärendä İstanbulda xalıqara Boat Show Eurasia yärminkäse êşläyäçägen uquçıları belän urtaqlaşa.

Gazet yazuınça, 2019 nçı yılnıñ iñ yaxşı proyektları urın alaçaq yärminkädäge köymälärneñ tuplam bäyäse 4 milliard lira. Köymälärneñ bäyäse 60 – 75 meñ arasında.

”Sabah” gazetı ”Sivasnıñ Hobbit öyläre dönyanıñ iğ’tibarın cälep itte” isemle xäbärendä Sivas  şähär xakimiyäteneñ “Yözeklärneñ äfändese” fil’mendäge Hobbit öylärennän ilham alıp sözäklek, taw itäklärenä tözelgän, ber öleşe tufraqqa kümelgän  üzençäkele öylärgä zur qızıqsınu kürsätelüen belderä.

İskitkeç arxitekturası belän iğ’tibarnı cälep itüçe älege öylär biregä kilüçelärgä tabiğat’ qoçağında bik uñaylı mömkinleklär tudıra. Älege yortlarğa taläp artu säbäle öylärneñ sanı arttırıldı häm alarğa qarata qızıqsınu da könnän kön arta bara.

.