Törek matbuğatına küzätü 25.09.2018

“Star” gazetı: “Ärdoğan “Malcolm X"nıñ qızların qabul itte”

Berläşkän Millätlär Oyışmasınıñ 73nçe ğomum şura (general’ assambleyası) utırışlarında qatnaşu öçen Amerika Quşma Ştatlarınıñ N’yu-York qalasında bulğan İlbaşı Räcäp Tayyip Ärdoğan möselman säyäsätçe häm keşe xoquqların yaqlawçı “Malkolm X”neñ qızları Qabilahnı häm İlyasahnı qabul itte. Ärdoğan, oçraşudan soñ “dönya biştän zurraq” temalı fotosürätne imzalap, Qabilahqa häm İlyasahqa büläk itte.

“Sabah” gazetı: “1 atnada 33 terrorçı täêsirsez xälgä kiterelde”

Êçke êşlär ministrlığı êçke iminlek operaśiyäläre qısalarında soñğı ber atnada 20se üle, 9ı isän häm yaralanğan kileş, 4se birelüe räweşendä buluı belän bergä tuplam 33 terrorçınıñ täêsirsez xälgä kiterelüen açıqladı. Belderüdä operaśiyälärdä 677se terror cinayätlärennän buluı belän bergä cämğıse 4 meñ 847 keşeneñ qulğa alınuına da basım yasaldı.

“Watan” gazetı: “İstanbul yaña hawa mäydanınıñ "oçış sınawları" tämamlandı”

Transport häm asqorma ministrı Cahit Turxan İlbaşı Räcäp Tayyip Ärdoğan tarafınnan 29nçı üktäbr’dä açılışı yasalaçaq İstanbul yaña hawa mäydanında kürü yıraqlığı nol’ däräcägä citkän hawa şartlarında da xätta oçqıçlarnıñ problemasız töşä aluın täêmin itäçäk ILS sistemasınıñ oçış kontrol sınap qarawlarnıñ tämamlanuın belderde. Turxan xezmätkä kergän çaqta dönyanıñ iñ zurısı bulaçaq aêroportta êşçänlekneñ zur tizlek belän däwam itüen äytte.

“Xörriyät” gazetı: "Däw turizm köymäläre yal itü cännätendä"

Aydınnıñ Kuşadası ilçäsendäge Ägäport Kuşadası portı”na Mal’ta bayraqlı “Azamara Pursuit” belän Bagama bayraqlı “Silver Whisper” isemle ike lyuks yulçı köymäse kilde. Ägäport Kuşadası portında tuqtağan ike yulçı köymäse amerikalı häm inglizlärdän torğan 1065 turistnı şähärgä alıp kilde. Turistlarnıñ ber öleşe avtobuslar belän Äfäs borınğı qalası häm Mär’yäm Ana yortı kebek tarixi häm turistik urınnarnı gizü öçen turğa çıqtı. Tur programmasında qatnaşmağan turistlar isä Kuşadası kibetlären qaradı.

“Yäni Şafak” gazetı: “Dön’yanı buysındırdı”

Milli köräşçe Arif Özän, Slovakiyanıñ Trnova şähärendä oyıştırılğan Yäş’lär arasında köräş çempionatında Hindstanlı köndäşe Dupiak Punianı ciñep, dönya çempionı buldı. İlbaşı Räcäp Tayyip Ärdoğan Bötendönya yäş’lär köräş çempionatında altın medal’ yawlağan Arif Özänne qotladı.