Törek matbuğatına küzӓtü 21.09.2018

“Yӓni Şafak” gazetı Törkiyä ilbaşı Räcäp Tayyip Ärdoğannıñ kiçӓ Milli iminlek şurası cıyılışı belӓn citӓklӓwen yaza.

Xӓbӓrgӓ kürӓ 5 sӓğat’ barğan cıyılışta İdlib kileşüe qaraldı. Münbiç hӓm separatist PKK/PYD terror oyışması mӓs’ӓlӓsendӓ Amerika Quşma Ştatlarına yullamalar yasaldı.

Gazet yazuınça cıyılıştan soñ açıqlanğan beldergedӓ: “Münbiç öçen tözelgӓn sxemanıñ ğamӓlgӓ kerüen kötӓbez. Kön’yaqtağı çiklӓrebezne terrorçılıqtan arındıruğa qarağan êşçӓnleklӓr arttırılıp, alıp barılaçaq,” – dip ӓytelde.

“Xörriyӓt” gazetı Qazna hӓm finans ministrı Bӓrat Albayraknıñ kilӓse 3 yıl öçen iqtisad vizionın açıqlayaçaq Yaña iqtisad programmasın citkerüen yaza.

“Star” gazetı İtaliyaneñ Toskana töbӓgendӓ soñğı aylarda bürelӓrneñ yış rӓweştӓ bӓrӓn kötülӓrenӓ höcüm itüe hӓm kürelgӓn çaralarnıñ citӓrsez qaluınnan soñ Sivas kangal törendӓge êtlӓrne qullanırğa çaqırunıñ yasaluın citkerӓ.

Gazet yazuınça soñğı itep aldağı tönne Siena şӓhӓre yanındağı ber xucalıkta 70 bӓrӓn büre höcümennӓn soñ ülde. Toskana töbӓge Parlamentı ӓğzase Roberto Salvini monnan alda da ӓytkӓn kangal ête çişeleş tӓqdimen qabat yasadı.

“Watan” gazetı Törkiyӓneñ Ӓlazığ vilayӓtendӓge borınğı şӓhӓr Harputta alıp barılğan qazu êşçӓnleklӓrendӓ Urartular çorında yasalğan hӓm Rim çorında da qullanılğan, aristokratlarnıkı buluı çamalanğan 5 qıya qabereneñ tabıluın yaza.

Xӓbӓrgӓ kürӓ Saqlaw tikşerü byurosı başlığı, belgeç, sӓnğat’ tarixçısı Kadir Atıcı: “Harputta başqarılğan qazu hӓm restavraśiya êşçӓnleklӓrenӓ yañasın östӓdek. Qıya qaberlӓrendӓge qazu êşçӓnleklӓre YUNESKO barışına möhim öleş kertӓçӓk,” – dide.