Törek matbuğatına küzätü 11.09.2018

“Watan” gazetı: “Tışqı êşlär ministrlığınnan Greśiyağa reakśiya”

Törkiyä Greśiyadan Könbatış Trakya törek azçılığınıñ saylanğan möftilären tanımawçı totışın beterüen teläde. Tışqı êşlär ministrlığı süzçese Hami Aqsoy: "Könbatış Trakya törek azçılığınıñ borçıluların bez dä urtaqlaşabız. Könbatış Trakya törek azçılığınıñ saylanğan möftilären tanımawçı Greśiyanıñ iñ êlek şuşı totışın beterüen häm yasalaçaq tärtipkä salular belän azçılıq kötkännären iğ’tibarğa aluın kötäbez”, - dip äytte.

“Xörriyät” gazetı: “İkençe çirek üseş sannarı açıqlandı”

Törkiyä iq’tisadı yılnıñ ikençe çiregendä 5,2% üste. Şuşı küläm belän OECD İq’tisadi xezmättäşlek häm qalqınu-üseş oyışması illären uzıp kitkän Törkiyä Awrupa Berlege illäre arasında isä ikençe urında tora. Citeşterü ısulına qarap ağımdağı bäyälär belän tulayım tabış isäpläwe bıyıl ikençe 3 aylıq çorda uzğan yılnıñ şul uq çorına qarağanda 20,4%qa artıp, 884 milliard 4 million 260 lira bularaq tormışqa aştı.

“Xäbär Türk” gazetı: “Ministr Albayraktan üseş bäyäläwe”

Qazna häm finans ministrı Bärat Albayraq ikençe çirek üseş sannarına qağılışlı açıqlawlar yasadı. Albayraq ikençe çirek üseş sannarınıñ iq’tisadta balans barışınıñ başlawın kürsätüen belderde. Ministr Albayraq, aldınğı kürsätkeçläreneñ öçençe çirektän başlap êçke soraw-taläptäge äkrenäyüneñ bilgele buluına işaräläwen assızıqlap, berençe maqsatnıñ ağımdağı defiśit häm inflyaśiya buluına basım yasadı häm kümäk räweştä köräş çaqıruın yasadı.

“Yäni Şafak” gazetı: “Kipterelgän yözem êksportında soñğı 9 yılnıñ rekordı uzıldı”

Türkiye, töşsez kipterelgän yözem tarmağında 2017-2018 fasılın 279 meñ 343 tonnağa bärabär 452 million 498 meñ dollar külämendä êksport belän ütkärde. Kipterelgän yözem êksportı 8% artış kürsätte. Töşsez kipterelgän yözem êksportında Yıraq Könçığış illäreneñ öleşe 8%tan 11%qa citkän.

“Star” gazetı: “Kalähöyüktä 800 yıllıq Ahi uçaqları tabıldı”

Kırşähirneñ 5 meñ yıllıq tarixı tikşerelgän Kalähöyük qazılmalarında iñ borınğısı 800 yıl êlekke çorğa bäyle sälcuqlı häm ğosmanlı däwerlärendä qullanılğan Ahi uçaqları çığarıldı. Töbäktä 2009nçı yılda zondaj bularaq başlanğan qazılmalarğa bilgele ber waqıt tuqtatılıp torılğan ide, 2012nçe yılda yañadan êşçänlek başlatılğan ide.