Törek matbuğatına küzӓtü 06.09.2018

“Star” gazetı Törkiyӓ tışqı êşlӓr ministrı Mӓwlüt Çavuşoğlunıñ Süriyӓneñ İdlib şӓhӓrendӓ tınıç xalıqnıñ ğomeren özüçe Rusiyӓ hӓm Bӓşar Ӓsӓdkӓ: “Berkem berkemne dӓ aldamasın. Bu höcümnӓrneñ maqsatı – İdlibne qulğa töşerü,” – dide.

Xӓbӓrgӓ kürӓ İdlibtӓge radikal’ törkemnӓrne sӓbӓp kürsӓtep, ğayepsez keşelӓrneñ bombalanuına reakśiya kürsӓtkӓn Çavuşoğlu: “Bu törkemnӓrgӓ qarşı ikӓnsez, Xӓlebtӓn, Könçığış Gutadan, Xomstan, xӓtta kön’yaqtan alarnı qoralları belӓn bergӓ ni öçen İdlibkӓ kerttegez soñ?” – dide.

“Watan” gazetı Qazna hӓm finans ministrı Bӓrat Albayraknıñ investorğa birelüçe ışanıç belӓn kilӓçӓktӓ yaqtı könnӓrneñ kötüen ӓytüen yaza.

Xӓbӓrdӓn kürengӓnçӓ Albayrak: “Ozaqlamıy yaña iqtisad çorınıñ fazaların çınğa aşırğan sayın xalıqara uyınçılarnıñ ilebezgӓ investiśiyalӓren arttıracağın bergӓ kürӓçӓkbez,” – dide.

Gazet yazuınça ministr Albayrak Törkiyӓneñ küp ülçӓmle iqtisad programması belӓn investorına birgӓn ışanıçnı dӓwam itterӓçӓgen belderde.

“Yӓni Şafak” gazetı Törkiyӓ Saqlanu sӓnӓgӓte rӓislegeneñ AQŞ Törkiyӓne proyekt çitendӓ qaldırırğa tırışqan F-35 xӓrbi oçqıç proyektında törek şirkӓtlӓre citeştergӓn êşlӓnmӓlӓrne açıqlawın yaza.

Xӓbӓrgӓ kürӓ oçqıçnıñ gӓüdӓsennӓn motorına qadӓr 19 urınnı 7 törek saqlanu sӓnӓgӓte şirkӓte yasadı. Oçqıçnıñ kritik öleşlӓren citeştergӓn törek şirkӓtlӓre F-35lӓrneñ citeşterü hӓm tapşırunıñ waqıtında başqarıluı öçen zur rol’ne üz östenӓ ala.

“Sabah” gazetı “Törkiyӓdӓ tuy turizmı” isemle xӓbӓrendӓ Törkiyӓgӓ soñğı waqıtta tuy turizmı öçen kilüçe bay turist sanında da artışnın küzӓtelüen citkerӓ.

Gazet yazuınça Yaqın Könçığış illӓre soñğı waqıtta Törkiyӓdӓ tuy uzdırırğa teli. Ayıruça Hindıstan hӓm Livan kebek illӓrdӓn bu yılnıñ 7 ayında kilgӓn turist sanında artış bar. Hindıstannan 95%lık artış belӓn 83 meñ, Livannan isӓ 43%lık artış belӓn 155 meñ turist kilde.