Törek matbuğatına küzätü 04.09.2018

“Yäni Şafak” gazetı: ““Teknofest İstanbul” öçen sanawlı könnär”

Teknofest İstanbul "Milli texnologiya adımı" maqsatları qısalarında 20-23nçe sentyabr’dä dönyanıñ iñ zur aêroportı bulğan İstanbul yaña hawa mäydanında uzdırılaçaq. Törkiyäneñ berençe aviaśiya, ğaläm häm texnologiya festivale bulğan “Teknofest İstanbul” Törkiyä tarixınıñ iñ zur büläkle texnologiya bäygeläre belän bergä aviaśiya tamaşaları, seminarlar, xalıqara iniśiativa sammitı häm çaraları täq’dim iteläçäk.

“Xäbär Türk” gazetı: “”Turkish Kargo” oçqan noqta sanın 85kä citkerde”

Hawa yök taşu tarmağında dönyanıñ iñ tiz üsüçe hawa yök şirkäte bulğan “Turkish Kargo” oçış noqtasına Ruanda başqalası Kigali häm Oman başqalası Muskatnı da östäde. Yaña oçış noqtaları belän bergä “Turkish Cargo” oçqan noqta sanın 85kä citkerde.

“Star” gazetı: “Törkiyä häm Rusiyä igençelek kileşülären imzalayaçaq”

Törkiyä häm Rusiyä 5nçe sentyabr’dä İstanbul “CNR Expo”da ütkäreläçäk forum belän igençelek kileşülären tözergä äzerlänä. "Food İstanbul" yärminkäsennän soñ Tışqı iq’tisadi mönäsäbätlär şurası (DEİK) oyıştırğan Törkiyä-Rusiyä êş şurası qısalarında ike il arasında tekstil’, timer-qorıç, azıq-tölek, mebel’, igençelek häm maşina tarmağı wäkilläre qatnaşaçaq, êş häm kapital salu mömkinlekläre söyläşeläçäk cıyılış uzdırılaçaq. Çara qısalarında ike il arasında igençelek ölkäsendä berniçä kileşügä dä qul qıyılaçaq.

“Sabah” gazetı: “Turistlar Pamukkalägä ağıla”

Dänizlineñ aq cännäte Pamukkalädä bezneñ êranıñ 60nçı yılında cirteträw näticäsendä barlıqqa kilgän häm Misır patşabikäse Kleopatranıñ da yuınuı añlatılğan Kleopatra basseynı töbäkkä kilgän turistlarnıñ yaratqan urınına äylände.

“Xörriyät” gazetı: “Aksion fil’mnarınıñ mäşhür iseme Van Dammedan Törkiyägä mädxiyä”

Büläk tapşıru tantanasında jyuri äğ’zase bularaq Antaliyağa kilgän Jean Claude Van Damme Törkiyä turındağı fikerläre belän urtaqlaştı. Törek keşelären bik samimi häm êçkersez dip tabuın häm törek rizıqların “fantastik” dip bäyäläwçe Van Dame kiläçäktä Törkiyädä tekstil’ êşenä kerüne uylawın belderde.