TÖREK MATBUĞATINA KÜZÄTÜ 31.08.2018

“Xörriyät” gazetı “Törkiyäneñ Ciñü ğorurlığı” digän yazma belän urtaqlaştı.

30nçı avgust Ciñü Bäyrämeneñ 96 yıllığı uñayınnan il külämendä häm çit ildäge wäkilleklärdä törle çaralar görläp uzdı. Törkiyäneñ här poçmağında mäydannar tuldı. Yäşe-qartı bayraqlar totıp bäyräm çaraların küzätte.  

“Yaña Şäfaq” gazetı “Törkiyäneñ qarşısında tora almayaçaqlar” dip yaza.

İlbaşı Ärdoğan Ciñü Bäyrämeneñ 96 yıllığı uñayınnan uzğan tantanalarda ähämiyätle möräcäğat’lär yasadı. “Üz yulın sızuçı Törkiyägä çıdıy almıylar. Närsä êşläsä da êşläsennär, böyek häm köçle Törkiyäneñ qarşında tora almayaçaqlar. Bezne meñ tapqır tezländerülärenä ışansalar da meñ tapqır ayaqqa qalquıbıznı däwam itäçäkbez”-dip söyläde ul.     

“Sabaz” gazetı “Trampnı qotırtaçaq xäbär” turında yaza

Amerikanıñ gigantı Linked İn, AQŞ ilbaşı Donal’d Trampnı sanğa suqmıyça, Törkiyägä investiśiyä kertergä äzerlänä. 500 million aktiv qullanuçısı bulğan şirkät İstanbulda ofis açu öçen söyläşülär başladı.

“Watan” gazetı “Ğaräplär dä tügel, ruslar da! Bu yulı Törkiyädä alar!” dip yaza

Törkiyägä Latin Amerikası illärennän kilüçelärneñ sanı soñğı yıllarda ayıruça arta başladı. Bıyılnıñ berençe yartısında Kön’yaq Amerikadan kilüçelär 74,23 %qa kübäyep 138 meñ 493 buldı. Alarnıñ şaqtıyı Argentina häm Braziliyädän. Bu ike ildän Törkliyägä 41 meñ turist kilde.   

Älege temanı däwam itep “Star” gazetı “Törkiyä turizmı tarmağındağı xäräkätlelek İspaniyägä yoğıntı yasadı” dip yaza.

Älege ilne zıyarät itüçe turist sanı kötelgännän az bulğan. Monın säbäben Törkiyädäge turizmnıñ ğacäyep räweştä üsüennän kürälär. Êkseltur şirkäte räise urınbasarı Xose Luis Zoreda ayıruça inglizlar häm nemeślarnıñ kimüen belderde. Ul İspaniyadağı turizm tarmağında êşläwçelärgä sıyfatnı arttırırğa quştı.