Törek matbuğatına küzätü 29.08.2018

 “Sabah” gazetınıñ “F-35” belän täwge oçış” isemle xäbärennän kürengänçä Törkiyä xärbi oçuçıları Amerika Quşma Ştatlarında F-35 oçqıçı belän täwge oçışın tormışqa aşırdı. Ul öyränü kursları qısalarında ide. Bu xaqta ğomum ştabtan yasalğan belderüdä äytelde. Törkiyä F-35 proyektınıñ programma urtağı da. Täwge oçqıçnı tapşıru Texas ştatında iyün’ ayında tantana belän ütte. Törkiyä bu oçqıçlarnı 100 danä alırğa planlaştıra.

”Xäbär Törek” gazetınıñ “Räsmi rezerv akśiyäläre iyül’ ayında arttı” isemle xäbärendä yazılğança Törkiyä Cömhüriyät Üzak bankı 2018 nçe yılnıñ iyül’ ayındağı xalıqara akśiyälär xaqında mäğ’lmat birde.

Mäğ’lümatlardan kürengänçä, iyül’ ayında räsmi rezerv akśiyäläre annan êlekke ay belän çağıştırğanda 2,4%qa artıp 100 milliard 700 million dollar bularaq tormışqa aştı.

”Yäni Şafak” gazetı ”Amerika fondınnan Törkiyä obligaśiyäläre qararı” isemle xäbärendä üzäge Amerika Quşma Ştatlarında urnaşqan fond şirkäte “Neuberger Berman”nıñ Törkiyä banklarınıñ valyutadağı obligaśiyälären saqlaw qararına kilüen citkerä.

 Oyışma citäkçese Vivek Bommi “Törkiyädä kapital salğan zur oyışmalar häm banklar yaxşı wäzğiyät’tä“ dide. 

”Vatan” gazetı  "Vitrinalar qıtay häm ğaräp turistlarğa kürä äzerlänäçäk” isemle xäbärendä Törkiyäda äzer kiyem-salım tarmağınıñ ışanıçlı adımnar belän alğa baruı turında yaza.

 Törkiyäneñ ayıruça Yaqın Könçığış häm Yıraq Könçığışnıñ säwdä üzäge bulaçağın beldergän tarmaq wäkilläre kollekśiyälären dä yaña taläpkä kürä üzgärtä başladı.

 Tarmaq wäkilläre çit il keşeläreneñ Törkiyägä barı tik yal itärga genä kilmäyäçägen ,säwdä öçen dä kiläçäklären belderä.  

”Star” gazetı  Könçığış Anadolu observatoriyäse 2020 nçe yılda êşkä kereşäçäk” isemle xäbärendä Törkiyäneñ iñ zur ğaläm tikşerenü proyektları arasında urın alğan Könçığış Anadolu observatoriyäseneñ Ärzurumnıñ Konaklı Karakaya qalqulıqlarında tözelüen uquçıları belän urtaqlaşa. Observatoriya iñ alğa kitkän texnologiya belän cihazlandırılğan.