Törek matbuğatına küzätü 27.08.2018

“Yäni Şafak” gazetı: “İlbaşı idaräse Ciñü atnalığı mönäsäbäte belän video äzerläde”

Malazgirt cinüeneñ 947 yıllığı mönäsäbäte belän İlbaşı idaräseneñ “Twitter” räsmi xisabınnan videoyazma taratıldı. Malazgirttä töreklärneñ Anadoluğa kerüen wäkillek itüçe qotlı adımnı yasaw xikäyäsen añlatuçı video: "Ciñü atnalığı mönäsäbäte belän böten şähitlärebezne ixtiram häm Allahnıñ yarlıqawın sorap, gazıylarıbıznı räxmät belän iskä alabız”, - digän añlatma belän urtaqlaşıldı. Videoyazma qısqa waqıtta rekord külämdä qaraldı.

“Xäbär Türk” gazetı: “Törkiyä saqlanu sänäğätennän rekord”

ROKETSAN tarafınnan Berläşkän Ğaräp Ämirlekläre öçen qamilläşterelgän “Jobaria” cibärü caylanması "köpşä sanı cähätennän dönyanıñ iñ zur raketa artilleriyası” bularaq Ginnes rekordlar kitabına kerde.

“Watan” gazetı: “Alman yuğarı däräcäle citäkçesennän bosslarğa häm investorlarğa Törkiyä çaqıruı”

“SanEkspress” hawayulı şirkäteneñ yuğarı däräcäle citäkçese Yens Bişof: "İnvestorlarğa kiñäşem kapital salu qararların östäl başında ğına qabul itmäw. Biregä (Törkiyägä) kilegez, bu ilne, moxitnı, asqormasın küregez”, - dip açıqlaw yasadı.

“Star” gazetı: “Törkiyädä neft’ mäydannarı monnan arı hawadan bilgelänäçäk”

Afrika belän bergä dönyanıñ şaqtıy ilendä qullanılğan hawadan neft’ seysmik tikşerenüläreneñ berençe ğamäle Törkiyädä dä tormışqa aşırıldı.

“Sabah” gazetı: “Muğla Bötendönya ralli çempionatına äzer”

2018 Bötendön’ya ralli çempionatı (WRC) 10nçı yarışı bulğan Törkiyä rallise 13-16 sentyabr’ könnärendä Muğlanıñ Marmaris ilçäsendä oyıştırılaçaq.