Törek matbuğatına küzӓtü 12.07.2018

“Sabah” gazetı “Tramptan Ӓrdoğanğa: Qazanuçı keşe” isemle yazmasında Bel’giya başqalası Bryusseldağı NATO oçraşuında AQŞ dӓwlӓt başlığı Trampnıñ Törkiyӓ ilbaşı Ӓrdoğan belӓn isӓnlӓşkӓndӓ: “Menӓ ul qazanuçı keşe. İñ yaxşı hӓm min urtaq tel taba alğan şӓxes. Anı yaratam,” – dip ӓytüen uquçıları belӓn urtaqlaşa.

“Star” gazetı “Yaña çornıñ berençe Mӓcles başlığı” isemle xӓbӓrendӓ soñğı prem’yer-ministr bularaq tarixqa kergӓn Binali Yıldırımnıñ 335 tawış belӓn yaña çornıñ berençe Törkiyӓ Böyek Millӓt Mӓclese başlığı bulıp saylanuın yaza.

“Watan” gazetı 324 yulçı oçqıçı belӓn dönyanıñ iñ zur flotlarınnan bersenӓ iyӓ bulğan Törek hawa yullarınıñ yök taşuda da iñ zurısı bulacağın citkerӓ.

Gazet yazuınça Turkish Kargoğa yıl azağına qadӓr tağın 3 yök oçqıçı quşılaçaq. Flottağı oçqıç sanı 22gӓ citӓçӓk.

“Xörriyӓt” gazetı “Almannar İzmirdӓn waz kiçӓ almıy” isemle yazmasında 2018 yılnıñ berençe yartısınıñ turizm xisabına kürӓ İzmirdӓ soñğı 3 yıl belӓn çağıştırğanda kilüçe turist sanında artışnıñ küzӓtelüen citkerӓ.

Xӓbӓrgӓ kürӓ İzmirgӓ iñ küp kilüçelӓr isӓ uzğan yıllardağı kebek ük almannar buldı. Bıyıl ğinwar-may aylarında 76 meñ 415 alman İzmirneñ tarixi hӓm turistik urınnarın gizde.

“Yӓni Şafak” gazetı Ӓgӓy Universitetınıñ Mediśina fakul’tetında dośent, Dr. Xösӓyen Onaynıñ bӓbilӓrdӓ genetikanı tikşerüdӓ cirle, tiz hӓm oçsız sistema ӓzerlӓwen yaza.

Gazet yazuınça cirle hӓm milli mömkinleklӓr belӓn yasalğan test komplektı hӓm prośessordan toruçı sistema yӓrdӓmendӓ bӓbilӓrdӓ genetik xastalıqlarnı bilgelӓp bulaçaq, ülemgӓ iltüçe şaqtıy awırunı dӓwalaw maqsat itelӓ.