Törek matbuğatına küzätü 27.06.2018
27nçı iyün’ könne çıqqan qayber törek gazetalarına küzätü
“Sabax” gazetı “Tramp Ärdoğannı telefonnan täbrik itte” dip yaza.
İlbaşı Räcäp Tayyip Ärdoğan, 24 iyün’dä uzğan saylawlarda ciñü yawlağannan soñ, AQŞ däwlät başlığı Donal’d Tramp belän telefon aşa söyläşte. Amerikalı prezident Ärdoğannı täbrikläde. İke lider 11nçe-12nçe iyül’dä Bel’giya başqalası Brüssel’dä uzaçaq NATO sammitında küreşäçäk.
“Watan” gazetı “Törkiyäneñ kredit reytingı belän bäyle belderü” turında yaza.
Xalıqara kredit däräcäländerü oyışması Yaponiya kredit reytingı agentlığı Törkiyädä 24nçe iyün’dä tormışqa aşqan ilbaşı häm ğomum saylawlardan soñ êçke säyäsättä bilgesezlekneñ azayuın häm monıñ kredit reytinğı öçen uñay kilüen belderde.
“Sabax” gazetı beldergänçä “Antaliyağa 4 million yarım turist kilde”
Antaliya 2018nçe yılda “14 million turist” maqsatı belän barlıq çorlarnıñ rekordın uzarğa teli. 25nçe iyün’dä alınğan mäğ’lümatlarğa qarağanda, yıl başınnan birle töbäkkä kilgän turistlar sanı 4 million 507 meñ 301gä citkän. Turizmğa Rusiyädäge Dön’ya çempionatı da, saylawlar da täêsir itmäde. Tarmaqta, 2017nçe yıl belän çağıştırğanda, artu däräcäse 42%.
“Xäbär Türk” gazetı “Törkiyä hawa yullarında 25nçe iyün’ rekordı!” turında söyli.
24nçe iyün’dä uzğan ilbaşı häm 27nçe çaqırılış deputatların saylawda tawış birgännän soñ watandaşlar säyäxätkä çığarğa qarar qılğan. Bu yulçılarnıñ küplegenä kiterde. Törkiyä hawa yulları düşämbe kön dön’ya külämendä säfär sanın 1500 reystan arttırıp bıyılğı rekordın quydı.
“Xörriyät” gazetı “Qıtay jurnalistları häm sośial’ media wäkilläre İstanbulda” dip xäbär itä.
Törek tele, mädäniyäte häm tarixın dön’yağa tanıtu belän mäşğul’ Yunus Ämrä institutınıñ “Mösafirıbız bulığız” proyektı qısalarında İstanbulğa Qıtay delegaśiyäse kilde. Alar Bäyoğlu rayonındağı Pera muzeenda buldı.
