Törek matbuğatına küzätü 25.06.2018

“Star” gazetı “Berençe Däwlät başlığı”

2017nçe yılnıñ 16nçı aprel’ könne ütkärelgän referendum belän İlbaşı xökümät sistemasına “äye” dip äytkän Törkiyä yaña sistemanıñ berençe Däwlät başlığı bularaq ta Räcäp Tayyip Ärdoğannı sayladı.

“Yäni Şafak” gazetı: “Ärdoğanğa şaltıratqan berençe Awrupa Berlege liderı”

Macarstan (Vengriya) baş ministrı Viktor  Orban – saylaw uñışı uñayınnan İlbaşı Räcäp Tayyip Ärdoğanğa şaltıratqan berençe Awrupa Berlege ile liderı buldı. Küp sanda dönya liderı da, İlbaşı Ärdoğanğa şaltıratıp, saylawdağı uñışın täbrik itte.

“Sabah” gazetı: “2030tä turist sanı 90 millionnı uzaçaq”

Törkiyä – 2030nçı yılda 90 millionnı uzıp dönyada iñ küp turist qabul itkän dürtençe il bulaçaq. Turizmnıñ törleländerelüe belän bergä Qıtay, Hindıstan kebek illärneñ Törkiyä qızıqsınuı da bu artışnı täêmin itäçäk.

“Xäbär Türk” gazetı: “Antaliya turizmında 23nçe iyün’ rekordı”

2018nçe yılğa rekordlar belän başlağan Antaliya turizmı yaña ber rekordqa iyä buldı. Şähärgä 23nçe iyün’dä hawa yulı belän 79 meñ 485 turist kilde. Antaliya ber köndä şähärgä kilgän turist sanı yağınnan böten waqıtlarnıñ rekordın quydı.

“Xörriyät” gazetı: “Tön’yaq Koreya 500gä yaqın törek ğaskäriyeneñ mäyeten Törkiyägä qaytaraçaq”

Tön’yaq Koreya häm Amerika Quşma Ştatları arasında 12nçe iyün’dä Singapurda ütkärelgän tarixi sammittan soñ 1950nçe-1953nçe yıllarda Koreya suğışında häläq’ bulğan häm tanıqlığı bilgelängän xärbilärneñ illärenä qaytarılaçağı häm xärbi totqınnar belän xäbärsez yuğaluçılarnıñ tabılaçağı qararına kilengän ide. Törkiyä Koreya suğışında häläq’ bulğan häm mäyetläre şuşı ildä urnaşqan 500gä yaqın törek ğaskäriyeneñ qaytarıluı öçen räsmi söyläşülärgä başladı.