Törek matbuğatına küzӓtü 11.06.2018

“Sabah” gazetı “TANAP”nı Ӓrdoğan açaçaq” isemle xӓbӓrendӓ Azӓrbaycannan Törkiyӓgӓ suzıluçı hӓm “Ênergiyaneň Yefӓk yulı” dip ataluçı Trans Anadolu tabiği gaz ütkӓrgeç proyektı TANAPnıň 12 iyun’ könne sişӓmbe könne Törkiyӓ ilbaşı Ӓrdoğan hӓm Azӓrbaycan dӓwlӓt başlığı İlham Aliyev qatnaşaçaq tantanada açılacağın yaza.

“Watan” gazetı Xalıqara Finans İnstitutı mӓğlümatlarına kürӓ bıyıl kapital kerüneň iň küp 51,3 milliard dollar belӓn Törkiyӓgӓ, iň küp çığunıň 77 milliard dollar belӓn Kön’yaq Koreyağa bulaçağınıň küzdӓ totıluın citkerӓ.

“Yӓni Şafak” gazetı “ASELSAN” Lazer saqlanu sistemasın uňışlı rӓweştӓ sınap qaradı” isemle xӓbӓrendӓ Saqlanu sӓnӓgӓte kiňӓşçese İsmail Dӓmirneň Xӓrbi êlektron sӓnӓgӓte ASELSANnıň Lazer saqlanu sisteması testların uňışlı tӓmamlawın açıqlawın yaza.

Xӓbӓrgӓ kürӓ sistema köymӓ platformaları, ênergiya stanŝiyalӓre, hawa alannarı, çik buyı iminlek bülekçӓlӓre, ştab binaları hӓm konvoy yullarında da qullanıla alınaçaq.

“Star” gazetı Törkiyӓ saqlanu sӓnӓgӓte tarmağınıň Franŝiya başqalası Parijda oyıştırılaçaq “Eurosatory Xalıqara saqlanu hӓm iminlek yӓrminkӓse”ndӓ 59 şirkӓt belӓn qatnaşaçağın uquçıları belӓn urtaqlaşa.

“Xörriyӓt” gazetı “Bӓyrӓmdӓ yar buyı qunaqxanӓlӓre şığrım tulı” isemle yazmasında Urta diňgez Turistik qunaqxanӓçelӓr hӓm êşlӓtüçelӓre berlege başlığı Ӓrkan Yağcınıň: “Ramazan bӓyrӓmendӓ yar buyı töbӓklӓrendӓge barlıq qunaqxanӓlӓrneň tup-tulı bulacağın xӓzerdӓn ük ӓytӓ alabız,” – digӓn süzlӓren citkerӓ.