Törek matbuğatına küzätü 14.05.2018
14 nçe may könne basılıp çıqqan qayber törek gazetlarına küzätü
“Star” gazetı “Ärdoğan AQŞnıñ İzrail’däge ilçelegen Qudüskä küçerüneñ Trampnıñ olı xatası buluın belderde” isemle xäbärendä Törkiyä ilbaşı Räcäp Tayyip Ärdoğannın İzrail’neñ Süriyädä kiräksez agressivlığın tänqit’läwen ,Amerika Quşma Ştatları ilbaşı Donal’d Trampnıñ AQŞnıñ İzrail’däge tulı wäqalätle ilçelegen Qudüskä küçerüeneñ zur xata buluı turında äytüen citkerä.
”Vatan” gazetınıñ “Törkiyädän AQŞqa cawap” isemle xäbärennän kürengänçä Törkiyä iq’tisad ministrı Nihat Zäybäkci Amerika Quşma Ştatlarınıñ importlanğan qorıç häm alyuminiyğa östäma tamğaxanä salımı kertü qararına qarata Törkiyäneñ yullamaların bik açıq räweştä AQŞ räsmi zatlarına citkerüen belderep “Bu atnadan başlap Törkiyä kiräkle adımnar yasayaçağın citkerde”dip belderde.
”Xäbär Törek” gazetı ”Turizmda may ayı rekordı” isemle xäbärendä Antaliyada may ayınıñ berence 10 könendä turist sanınıñ 56%qa artuın , 10 nçı mayğa qadär turist sanınıñ 1 million 670 meñgä citüen xäbär itä.
“Xörriyät” gazetı “Berençe cirle vakśina 2022 nçe yılda äzer bulaçaq” isemle xäbärendä balalar öçen gepatit A vakśinası êşläp çığaru belän bäyle tendrnıñ 10 nçı iyül’dä ütkäreläçägen ,tulısınça Törkiyädä êşläp çığarılaçaq vakśinalarnıñ 2022 nçe yılda äzer bulaçağın uquçıları belän urtaqlaşa.
”Star” gazetı ”Nafia Kuş altın medal’ yawladı” isemle xäbärendä Tatarstan başqalası Qazanda uzğan Awrupa txêkvondo çempionatınıñ soñğı könendä Törkiyä sportçısı Nafia Kuşnıñ 73 kilogramm awırlıqta finalda Rusiyäle köndäşen 5-0 isäbe belän ciñep altın medal’ yawlawın citkerä.
