Törek matbuğatına küzätü 18.04.2018

“Sabah” gazetı: "Ärdoğan İranlı xezmättäşe belän söyläşte”

İlbaşı Räcäp Tayyip Ärdoğan belän İran Däwlät başlığı Hasan Ruhani telefonnan söyläşte. Telefon söyläşüendä ike lider Süriyäneñ cir bötenlegeneñ saqlanuı häm krizisqa dami säyäsi çişeleş tabıluı öçen Törkiyä, İran häm Rusiyäneñ Astana barışı qısalarında urtaq tırışlıq sarıf itüeneñ däwam itelüeneñ möhimlegenä işaräläde. Söyläşü waqıtında Törkiyä belän İran arasındağı iq’tisadi êlemtälärneñ tora-bara köçäyüennän toyılğan qanäğätlelek tä telgä alındı.

“Yäni Şafak” gazetı: "Milli İminlek şurası ğadättän tış xälneñ tağın 3 ayğa ozınaytıluın kiñäş itte”

İlbaşı Räcäp Tayyip Ärdoğan räislegendä cıyılğan Milli İminlek şurası xökümätkä ğadättän tış xälneñ ozınaytıluın kiñäş itte. Beldergedä Milli İminlek şurası cıyılışında ilneñ êçke häm tışqı iminlege belän xalıqara iminlek şartlarına täêsir itüçe säyäsi häm xärbi täräqqiyätlärneñ qarap çığıluı äytelde.

“Xörriyät” gazetı: "Bozdağ: “Ägäydä bilgele faktqa küz yomılmayaçaq”

Premyer-ministr urınbasarı häm xökümät süzçese Bäkir Bozdağ Ministrlar Şurası cıyılışınnan soñ belderü yasadı. Bozdağ Ägäydäge bayraq waqiğası (waqıyğası) belän bäyle bularaq: "Ägäydä urnaşqan utrawlar belän bäyle bäxäsle bulğan mäs’älälär bik anıq. Törkiyäneñ Ägäydä bilgele faktqa küz yomuın berkem dä kötmäsen. Ägär Greśiya andıy xisap yasıy ikän, ul xisap Ägäy diñgezeneñ töbendä batar kitär”, - dip äytte.

“Watan” gazetı: "Albayraq: “Germaniya – Törkiyä öçen waz kiçelmäs”

Törkiyä ênergetika häm tabiği çığanaqlar ministrı Bärat Albayraq Germaniya başqalası Berlinda ütkärgän ike yaqlı söyläşülärdän soñ jurnalistlarğa açıqlawlar yasadı. Albayraq: "İke ilneñ ber-berseneñ säwdä partnyorı bularaq bigräk tä yaqınça 40 milliard yevroğa citkän säwdä küläme belän Törkiyäneñ importında 2nçe, êksportında 1nçe il buluı cähätennän Germaniya – Törkiyä öçen waz kiçelmäs bik möhim urtaq häm partnyor”, - dip äytte.

“Star” gazetı: "Qıtayda “2018 Törkiyä turizmi yılı” başladı”

Qıtayda "2018 Törkiyä turizm" yılınıñ açılış kiçäsendä qatnaşqan Mädäniyät häm turizm ministrı Numan Kurtulmuş,  2018nçe yılnıñ ike il arasındağı mönäsäbätlärneñ üsüe cähätennän forsat buluına basım yasap: "Törkiyä belän Qıtay arasındağı yaqınayunıñ üskän dönya tigezlekläre arasında yaña tınıçlıq häm isänlek tärtibeneñ oyışuına öleş kertüen telim”, - dip äytte.