Törek matbuğatına küzӓtü 13.04.2018

“Yӓni Şafak” gazetı Törkiyӓneñ Süriyӓneñ Duma töbӓgendӓge ximik qoral höcümennӓn soñ AQŞ belӓn Rusiyӓ arasında üskӓn kiyerenkelektӓ êşkӓ kereşep, krizisnıñ qaynar suğışqa ӓylӓnüenӓ kirtӓ quyuçı köç buluın yaza.

Xӓbӓrgӓ kürӓ Ӓrdoğan 3 kön ara belӓn rus hӓm Amerikan liderları belӓn telefonnan söylӓşte. Krisita qaysı safta urın aluı belӓn qızıqsınu uyatqan Törkiyӓ tarafsız qalunı saylap, taraflarnı tınıçlandırırğa tırıştı.

“Watan” gazetı terrorçılıq belӓn körӓştӓ cirle mömkinleklӓr belӓn yasalğan cihazlarnıñ operaśiyalӓrdӓge uñışnı arttıruın citkerӓ.

Gazet yazuınça törek belgeçlӓre toman yӓisӓ ut ӓz bulğan urınnarda kürüçe kameralar yasıy başladı. Tomannardan faydalanuçı terrroçılar ğakӓrilӓrgӓ tozaqlar qora. Çınğa aşırılğan proyekt belӓn xain tozaqlar buldırılmayaçaq.

Xӓbӓrdӓn kürengӓnçӓ cirle hӓm milli kamera yӓrdӓmendӓ bik sizger êşli aluçı çiplarnıñ sıyfatı dönyadağılardan berniçӓ tapqırğa yaxşıraq.

“Xӓbӓr türk” gazetı kruiz köymӓse turizmınıñ möhim üzӓklӓrennӓn Aydınnıñ Kuşadası ilçӓsenӓ Bahama bayraqlı Blêk Uoç kruiz köymӓsendӓ 486 ingliz turistınıñ kilüen yaza.

Xӓbӓrgӓ kürӓ Kuşadasındağı Ӓgӓy portında tuqtalğan köymӓdӓge turistlarnıñ ber öleşe Ӓfӓs, Mӓr’yӓm Ana, Didim hӓm Milӓt kebek urınnarnı gizde, qayberlӓre ilçӓdӓ ӓyberlӓr satıp aldı.

“Sabah” gazetı Törkiyӓdӓge Qunaqxanӓçelӓr berlege başlığı Timur Bayındırnıñ 2018 yılda Rusiyӓdӓn Törkiyӓgӓ kilӓçӓk turist sanında yaqınça 20%lıq artışnıñ küzdӓ totıluın açıqlawın citkerӓ.

Gazet yazuınça Bayındır Skayskanner mӓğlümatlarına kürӓ Rusiyӓdӓn İstanbulğa yasalğan bilet rezervaśiya talӓplӓreneñ 30 aprel’ – 9 may könnӓrendӓ aldağı yıl belӓn çağıştırğanda 102%qa artuın belderde.