Törek matbuğatına küzätü 02.04.2018

 “Xäbär Törek” gazetı ”Netanyaxu sin bik köçsez häm säyer” isemle xäbärendä Törkiyä ilbaşı, “Ğadälät häm qalqınu” partiyäse ğomum başlığı Räcäp Tayyip Ärdoğannıñ Adanada watandaşlarğa möräcäğät’ itüe turında yaza.

Gazet yazuınça, Ärdoğan İzrail’ prem’yer-ministrı Netanyaxuğa kisken reakśiya belderep “Äy Netanyaxu sin bik köçsez häm säyer keşe. Üzeñne tärtipkä kert. Sin terror däwläte. Sin basıp aluçı häm terrorçı”dide.

”Sabah” gazetı “Çavuşoğlunıñ AQŞ açıqlawı” isemle xäbärendä Törkiyä tışqı êşlär ministrı Mävlüt Çavuşoğlunıñ Amerika Quşma Ştatları ilbaşı Donal’d Trampnıñ “YPG/PKK” terror oyışması kontrolendäge mäydannarnı qabat tözekländerü öçen bülep birelgän 200 million dollar külämendäge yärdämne tuñdıru qararına uñay qarawların belderüen citkerä.

Çavuşoğlu Diyarbakırda “DEAŞ”tan arındırılğan töbäktä keşelärneñ tağın da yaxşı şartlarda yäşäwe öçen bu aqçalarnı sarıf itü kiräk “dide.

”Vatan” gazetı “Êksportta rekord quydıq” isemle xäbärendä Törkiyä iq’tisad ministrı Nihat Zäybäkcineñ şäxsi televideniye kanalında kön tärtibe belän bäyle belderülär yasawın citkerä.

 Zäybäkci 2018 nçe yılnıñ berence çiregendä üseş farazınıñ 6% tan kübräk buluın belderde. İqtisad ministrı êksportta rekor quyıluın belderep”Ağımdağı yılnıñ mart ayında êksport uzğan yılnıñ şul uq ayı belän çağıştırğanda 11,5%artıp 15 milliard 106 million dollar täşkil itte”dide.

”Star” gazetı “Ênergiya säwdäse sammitı İstanbulda uzaçaq” isemle xäbärendä bıyılğı Ênergiya säwdäse sammitınıñ 9-10 nçı aprel’ könnärendä İstanbulda uzaçağın xäbär itä.

Gazet beldergänçä, yuğarı däräcäle oçraşuda ênergiya säwdäsendäge problemalar, könüzäk täräqqiyät’lär, oyışqan bazarlarnıñ kiläçäge kebek mäs’älälär qaralaçaq.

”Xörriyät” gazetı “Sezonnıñ täwge kruiz köymäse”isemle xäbärendä kiçä Ägäy Kuşadası yulçı portına tuplam 1780 turist belän täwge kruiz köymäseneñ kilüen uquçıları belän urtaqlaşa.