Törek matbuğatına küzätü 28.03.2018

“Watan” gazetı: "Ärdoğan Putin belän telefonnan söyläşte”

İlbaşı Räcäp Tayyip Ärdoğan Rusiyä İlbaşı Vladimir Putin belän telefonnan söyläşte. Kemerovodağı säwdä üzägendä 25nçe martta barlıqqa kilgän yanğında häläq buluçılar uñayınnan Putinnıñ häm Rusiyä xalqınıñ qayğısın urtaqlaşqan Ärdoğan ike yaqlı mönäsäbätlärne här ölkädä üsterü qatğılığın da rasladı.

“Xäbär Türk” gazetı: "Yıldırım üseş kötelgännären açıqladı”

Prem'yer-ministr Binali Yıldırım partiyasınıñ parlamenttağı cıyılışında yasağan çığışında üseş sannarı belän bäyle kötkännären açıqladı. Yıldırım: "Atnakiçen (pänceşämbe könne) Törkiyäneñ 2017nçe yıldağı üseş sannarı açıqlanaçaq. 7-7.5 däräcäsendä ber küläm belän tormışqa aşırılaçaq bu ber rekord”, - dip äytte.

“Sabah” gazetı "Tramptan Makronğa Törkiyä yullaması”

Amerika Quşma Ştatları İlbaşı Donal’d Tramp Franśiya Däwlät başlığı Êmmanuêl’ Makron belän telefonnan söyläşte. Amerika Quşma Ştatları prezidentı Trampnıñ Franśiya İlbaşı Makron belän ütkärgän telefon söyläşüendä Törkiyä belän Süriyädä urnaştırılğan xezmättäşlekneñ arttırıluınıñ zarurlığına basım yasawı belderelde.

“Star” gazetı: "Törkiyäneñ êksport uñışındağı sere”

Törkiyä tirä-yaqtağı illärdäge tiskäre täräqqiyätlärgä häm global’ iq’tisadi küreneşkä qaramastan 2017nçe yılda 157 milliard 100 million dollar külämendä êksport başqarıldı. Cömhüriyät tarixınıñ iñ yuğarı êksport sannarına ireşelgän bulsa, 5 qitğadağı säwdä mobilizaśiyäsendä yärminkälär möhim rol’ uynadı. Firmalar 5 qitğada (qıytğada) 56 ildäge 263 yärminkädä êşlänmälären täq’dir itep, yaña xezmättäşleklärneñ mömkinleklären dä êzläde.

“Xäbär Türk” gazetı: “Turizmda böten waqıtlarnıñ rekordı quyıla alınır”

Antaliya säwdä häm sänäğät palatası (ATSO) başlığı Davut Çätin, yılnıñ berençe öç aylıq çorında turist sanındağı artunıñ 30%tan kübräk buluın belderep: "Şuşı räweşle barsa, turizmda böten waqıtlarnıñ rekordın quyaçaqbız”, - dip äytte.