Törek matbuğatına küzätü 22.03.2018

 “Yäni Şafak” gazetınıñ “Törkiyäneñ ayırması” isemle xäbärennän kürengänçä, Amerika Quşma Ştatları ,Rusiya häm Bäşar Äsäd rejimı Süriyädä un meñnärçä tınıç xalıqnı ütergändä operaśiyälär oyıştırılğan Xäläb, Rakka, Musul häm Könçığış Guta yäşi almaslıq xälgä kilde.

Törkiyä ğaskäre isä “Zäytün botağı” xäräkätendä tınıç xalıqqa zıyan kitermäde, Afrindağı qorılmalarğa da timäde. Törkiyä Qorallı Köçläre sośial’ media aşa urtaqlaşqan fotoräsemnärdä Süriyä häm Ğıyraqta cimerelgän şähärlär belän Afrin arasındağı zur ayırma bik açıq kürenä. Törek Qorallı Köçläre dönya cämäğät’çelege belän urtaqlaşqan räsemnärdä tübändäge yullar urın aldı:”Tınıç xalıq ,tarixi äsärlär, dini, mädäni qorılmalar Törek Qorallı Köçläre öçen qağılğısız”.

”Star” gazetı “Dönya Törkiyäneñ cirle qoralların soqlanıp küzätä” isemle xäbärendä Törkiyäneñ qorallı keşesez hawa apparatları êşläp çığaruı turında yaza.

 Cirle apparatlar täwge operaśiyälärdä zur uñışqa ireşep  dönyanıñ iğ’tibarın cälep itte. Älege apparatlar kileşü nigezendä Katarga da êksportlanaçaq.

”Vatan” gazetı “PKK/PYD-YPG” Törkiyägä ırğıtqan raketalar Amerikada êşlängän” isemle yazmasında Törek Qorallı Köçläreneñ “Zäytün botağı” xäräkäte waqıtında çik ar’yağınnan ırğıtılğan raketalar säbäp bulğan ülem waqıyğaların tikşergän Kilis baş prokuraturasınıñ “PKK/PYD”nıñ Amerikada êşlängän qorallar qullanuı tezisın döres dip tabuın belderä.

“Sabah” gazetı “Törkiyä dönya illärenä su ireşterä” isemle xäbärendä çista suğa ireşü probleması küzätelgän dönyada  Törkiyä bu yünäleştäge proyektların tormışqa aşırıp häm su qoyıları açıp Afrika, Aziya häm Yaqın Könçığış illärenä yärdäm qulı suzuın däwam itterüen citkerä.

 Üzäge Törkiyädä urnaşqan 13 oyışma çista suğa ireşü qıyınlığı bulğan illärdä soñğı 5 yılda 9 meñnän kübräk su qoyısı açtı.

”Xäbär Törek” gazetı “Cänk Tosun “Bäşiktaş”nı da, Törkiyäne dä wäkillek itä” isemle xäbärendä Angliyanıñ “Êverton” komandasında uynawçı törek futbolçı Cänk Tosunnıñ kar’yerasındağı yaña däwerdä barı tik üze uynağan “Bäşiktaş” nı ğına tügel, Törkiyäne dä wäkillek itüe turında äytüen uquçıları belän urtaqlaşa.