Törek matbuğatına küzätü 21.03.2018

“Sabah” gazetı: "Ärdoğan: “Aqqoyı nigezen Putin belän bergä salaçaqbız”

İlbaşı Räcäp Tayyip Ärdoğan “Bäştäpä Millät” mädäniyät häm kongress üzägendä Ênergetika häm tabiği çığanaqlar ministrlığınıñ "101 ilçägä tabiği gaz citkerü tantanası”nda qatnaştı. Ärdoğan: "İnşallah, asqorma êşçänlege tämamlanğan Aqqoyı atom-töş stanśiyasınıñ tözeleşenä bıyıl başlıybız. Stanśiyanıñ nigezen bik yaqında qimmätle dustım, Rusiyä Federaśiyası Däwlät başlığı  xörmätle Vladimir Putin belän bergä salunı planlaştırabız”, - dip äytte.

“Star” gazetı: "Törkiyädän Mänbiç belderüe: AQŞ belän söyläşülär tuqtap qalmadı, kiñäşçebez baraçaq”

Tışqı êşlär ministrı Mäwlüt Çavuşoğlu Amerika Quşma Ştatları belän söyläşülärneñ tuqtap qalmawın, xäzerge waqıtta däwam itüen äytte. Törkiyä Böyek Millät Mäclesendä Amerika Quşma Ştatları belän söyläşülär turındağı sorawğa cawap birüçe ministr Mäwlüt Çavuşoğlu: "AQŞ belän söyläşülär tuqtap qalmadı, däwam itä. Aldıbızdağı könnärdä kiñäşçebez Amerika Quşma Ştatlarına baraçaq”, - dip belderde.

“Watan” gazetı: "Rusiyägä cawabın qaytarırbız”

İq’tisad ministrı Nihat Zäybäkci Rusiyägä ör-yaña ciläk-cimeş häm yäşelçälär êksportındağı soñğı wazğiyätkä qağılışlı bäyäläwlär yasadı. Zäybäkci ciläk-cimeş häm yäşelçälär êksportında Rusiyäneñ şirkät çikläwen tänqitläp: “Şirkät sanınıñ çikländerelüenä qatği räweştä qarşı bez. Kiräk bulsa bez dä şuşılay uq yasarbız, şirkät saylap importıbıznı şuşı räweşle başqarırbız”, - dip äytte.

“Xäbär Türk” gazetı: "Ministr Arslannan “haw mäydanı proyektları” açıqlaw”

Transport, diñgezçelek häm êlemtä ministrı Äxmät Arslan, Törkiyädä aktiv hawa mäydanı (aêroportı) sanınıñ 55kä citüen belderep: "İldä hawa yulın qullanğan watandaşlarnıñ häm çit il qunaqlarınıñ 90%ı avtoyul belän 100 çaqrım yul uzıp, teläsä qaysı ber hawa mäydanına barıp citä ala”, - dip äytte. Arslan yasağan belderüendä 2023nçe yılğa qadär tözelüe tämamlanaçaq hawa mäydannarı belän telägän härkemneñ iñ küp 100 çaqrım yıraqlıqta teläsä qaysı ber hawa mäydanına bara alaçağın äytte.

“Xörriyät” gazetı: "Albayraq: “İñ arzan tabiği gaz Törkiyä”

Ênergetika häm tabiği çığanaqlar ministrı Bärat Albayraq: ““Böten närsä Törkiyä öçen” şiğare belän çıqqan bu yulda bügen Ädirnä İpsaladan Van Ädrämitkä, Sinop Gärzädän Gaziantäp Oğuzäligä, Çankırı Ilgazdan Siirt Tilloğa qadär tağın 101 toraq urınına tabiği gaz citkerüneñ şatlığın häm ğorurlığın yäşibez. 2017nçe häm 2018nçe yılda tuplam 3 milliard liralıq citkerü häm taratu investiśiyäläre belän tağın da üseş alğan, qamilläşkän tabiği gaz asqormasına qawışqan bulırbız”, - dip äytte. Albayraq ayıruça tabiği gaznıñ watandaşlarğa yaraqlı üzqimmät belän täq’dim itelüe ölkäsendä Törkiyäneñ Awrupa Berlege illäre arasında häm öylärgä häm dä sänäğätkä iñ oçsız tabiği gaz täêmin itüçe il buluın äytte.