Törek matbuğatına küzӓtü 20.03.2018

“Sabah” gazetı Törkiyӓ ilbaşı Ӓrdoğannıň Rusiyӓ prezidentı Vladimir Putin belӓn telefonda söylӓşüen citkerӓ.

Xӓbӓrgӓ kürӓ söylӓşüdӓ Ӓrdoğan qabat dӓwlӓt başlığı bulıp saylanğan Putinnı tӓbrik itte. Telefon söylӓşüendӓ ike yaqlı mönӓsӓbӓtlӓrgӓ hӓm aprel’ ayında Süriyӓ teması belӓn İstanbulda uzaçaq öç yaqlı oçraşuğa da tuqtalğan Törkiyӓ ilbaşı hӓm Rusiyӓ prezidentı ike il arasındağı xezmӓttӓşlekne nığıtu mӓs’ӓlӓsendӓ tӓwӓkkӓlleklӓren rasladı.

“Watan” gazetı İlbaşı idarӓse süzçese İbrahim Qalınnıň “Al Jazeera English” kanalında kön tӓrtibe belӓn bӓyle tӓraqqıyӓt’lӓr xaqında açıqlaw yasawın yaza.

Gazet yazuınça süzçe Qalın Süriyӓneň Mӓnbiç şӓhӓre mӓs’ӓlӓsendӓ soňğı waqıtta AQŞ belӓn tığız söylӓşülӓrneň ütkӓrelüenӓ iğtibar cӓlep itep: “Gomüm kileşü tӓêmin ittek. Xӓzer bu kileşüneň ğamӓlgӓ kerüen kötӓbez. Ӓgӓr kersӓ, AQŞ belӓn bӓxӓskӓ kermӓbez,” – dide.

“Xörriyӓt” gazetı Törkiyӓ xökümӓt rӓise Binali Yıldırımnıň Bӓştӓpӓdӓge Millӓt, mӓdӓniyӓt hӓm kongress üzӓgendӓ çığış yasawın yaza.

Xӓbӓrdӓn kürengӓnçӓ Yıldırım Süriyӓneň Afrin töbӓgeneň separatist terror oyışması PYD/PKKdan çistartıluı belӓn bӓyle bularaq: “Töbӓktӓ terror oyışmaların qorallandıruçılarnıň, bu oyışmalarnı qıyulandıruçılarnıň bu mӓs’ӓlӓdӓ Törkiyӓgӓ süz ӓytergӓ xaqı yuq. Qaharman törek ğaskӓrilӓre hӓm Bӓysez Süriyӓ armiyase ӓğzalӓre Afrinnı hӓm tirӓ-yağın barlıq terrorçılardan çistarttı. Hӓr terror yanawı yuqqa çıqqançı bezneň bu töbӓktӓge körӓşebez dӓwam itӓçӓk,” – dide.

“Xӓbӓr türk” gazetı Dӓwlӓt hawa alannarın êşlӓtü ğomüm mödirlege mӓğlümatlarına kürӓ Atatörek hӓm Sabiha Gökçӓn aêroportlarında 2018 yılnıň berençe ike ayında xezmӓt kürgӓn yulçı sanı 2017 yılnıň şul uq çorına kürӓ 2 million 826 meň 409ğa artıp, 15 million 69 meň 27 buluın citkerӓ.