Törek matbuğatına küzätü 19.03.2018

 “Vatan” gazetı ”Ärdoğan datanı açıqladı” isemle xäbärendä Törkiyä ilbaşı Räcäp Tayyip Ärdoğannıñ Çanakkalä küpereneñ 18 ayğa irtä tämamlanıp 2022 nçe yılnıñ 18 nçe martında qullanılışqa tapşırılaçağı turında äytüen citkerä. 

”Yäni Şafak” gazetı ”Qalın iminlek häm humanitar yärdäm êşçänlekläreneñ däwam itüen belderde” isemle xäbärendä Törkiyä ilbaşı idaräse süzçese İbrahim Qalınnıñ Törek Qorallı Köçläreneñ Süriyäneñ Afrin töbägendä däwam itkän “Zäytün botağı” xäräkätendä Afrin ilçä üzägeneñ kiçä tulısınça kontrol’ astına alınuı belän bäyle sośial’ media aşa belderü yasawın citkerä.

Xäbärdän kürengänçä,Qalın ”Zäytün botağı” xäräkäte Afrin üzägeneñ terrorçılardan arındırıluı belän möhim alğarış täêmin itte .İminlek häm humanitar yärdäm êşçänlekläre däwam itä”dide.

”Sabah” gazetı ”Bozdağ Törkiyäne ürnäk itep alu kiräklegen belderde” isemle xäbärendä Törkiyä prem’yer-ministr urınbasarı häm xökümät süzçese Bäkir Bozdağnıñ twitter aşa yasağan “Zäytün botağı” xäräkätendä Afrin ilçä üzägeneñ  kontrol’ astına alınuı belän bäyle belderüendä tübändägelärne citkerüen belderä:” Tınıç xalıqqa zıyan kitermiçä ,mäktäplär, xastaxanälär häm toraq punktlarnı cimermiçä terrorçılardan arındırırğa teläwçelär törek armiyäsen , illär isä Törkiyäne ürnäk itep alırğa tiyeş”.

”Xäbär Törek” gazetı ”1 million yarım rus turistı  kötelä” isemle xäbärendä Antaliyanıñ Kämär cirle xakimiyäte häm Kämärne tanıtu waqıfı başlığı Mostafa Gülneñ bıyıl Antaliyağa 5 million Rusiya turistı kötülären ,Kämärdä 1 million yarım turistnı qunaq itärgä äzerlänüläre turında äytüen citkerä.

 Gazet yazuınça, Gül:”Mädäniyat häm turizm ministrıbızğa ,7-8 yıl turizm ministrı kebek êşläwçe tışqı êşlär ministrı Mävlüt Çavuşoğluna bik zur räxmät äytäm. Alarnıñ da xezmätläre bik zur”,-dide.

”Star” gazetınıñ “Törkiyä keläm êksportında ikençe urında tora” isemle xäbärennän kürengänçä, xalıqara säwdä üzäge (ITC) mäğ’lümatlärenä kürä, Törkiyä Qıtaydan soñ dönyada iñ küp keläm êksportlawçı il bulıp tora.

 5 yılda, yäğ’ni 2013-2017 nçe yıllarda  êksportlanğan kelämnärneñ tuplam miq’darı 10 milliard 600 million dollarğa citte.