Törek matbuğatına küzӓtü 16.03.2018

“Yӓni Şafak” gazetı Törkiyӓ ilbaşı Ӓrdoğannıñ Germaniya Kanślerı Angela Merkel’ belӓn telefonda küreşep söylӓşüen yaza.

Xӓbӓrgӓ kürӓ atna kiçen uzğan söylӓşüdӓ ike yaqlı mönӓsӓbӓtlӓr, Törkiyӓ-Awrupa Berlege mönӓsӓbӓtlӓre hӓm regional’ mӓs’ӓlӓlӓr qaraldı.

Gazet yazuınça Ӓrdoğan Germaniyada federal’ xökümӓtneñ rӓsmi rӓweştӓ wazifasın başlatuı hӓm kanśler wazifasın qabat üz östenӓ aluı uñayınnan Merkel’ne tӓbrik itte hӓm uñışlar telӓde.

“Xӓbӓr türk” gazetı “Yıldırımnan BMOda reforma çaqıruı” isemle xӓbӓrendӓ xökümӓt rӓise Binali Yıldırımnıñ Azӓrbaycan başqalası Baqıda oyıştırılğan “6nçı global’ Baqı forumı”nda yasağan çığışında BMOnıñ global’ problemalarnı çişӓ almawın belderüen citkerӓ.

Gazet yazuınça Yıldırım: “Problema çişüne ӓsas itep kürüçe BMO reformasınıñ qotılğısız ixtıyac buluı ap-açıq. Ber yaqtan keşelӓr ülӓ, ximik gazlar qullanıla, lӓkin BMO İminlek şurası illӓrneñ ber-berse belӓn yarışı öçen bu keşelek dramasına kirӓkle cawapnı birӓ almıy, bu wӓxşilekne tuqtata almıy,” – dide.

“Xӓbӓr türk” gazetı Awrupa Berlege ministrı hӓm başsöylӓşüçe Ömӓr Çӓlikneñ Awrupa Parlamentınıñ Törkiyӓneñ Afrinnan çigelüe çaqıruına reakśiya kürsӓtüen citkerӓ.

Xӓbӓrgӓ kürӓ Çӓlik Awrupa Parlamentınıñ “Afrinnan çıq” çaqıruına bӓyӓ birde. Ӓlege çaqırunıñ “terrorçılıqqa qarşı körӓşmӓ”ne añlatuın assızıqlağan Çӓlik: “Törkiyӓ PKK höcümenӓ berençe tapqır duçar qalğannnan 15-20 yıldan soñ Awrupa Berlege PKKnı kön tӓrtibenӓ aldı. PYD/YPG terror oyışmasıdır hӓm bu oyışma PKKnıñ törkeme,” – dide.

“Watan” gazetı “Törkiyӓ-Azӓrbaycan-Gruziya-İran kileşte” isemle xӓbӓrendӓ Baqıda oyıştırılğan Törkiyӓ-Azӓrbaycan-Gruziya-İran tışqı êşlӓr ministrları 4 yaqlı cıyılışında Rӓşt-Astara timer yulınıñ Baqı-Tbilisi-Kars timer yulına totaştırıluı hӓm İrannıñ Çabahar hӓm Bandar-Abbas portlarınnan başlanaçaq, Hind okeanın Awrupağa totaştıraçaq yaña tranzit koridornıñ barlıqqa kiterelüenӓ qararnın birelüen citkerӓ.