Törek matbuğatına küzätü 06.03.2018

“Star” gazetı: ““PKK”nıñ Urta diñgez xıyalı barıp çıqmadı”

Törek qorallı köçläre “PKK” separatist terror oyışmasınıñ Süriyädäge däwamı “PYD-YPG” basıp alğan Afrinnıñ Racu cirlegendä kontrol’ urnaştırdı. Bu räweşle töbäktä küp sanda ğaskärine, poliśiya xezmätkären häm tınıç xalıqnı şähit itkän “PKK”nıñ Hataynıñ Amanos tawlarınnan Urta diñgezgä uzu xıyalı yuqqa çıqtı. Afrinnıñ “PYD-YPG”neñ kontrolenä uzuınnan soñ “PKK” terrorçıları cäyge aylarda Hatay qırlarına ütep kerep höcümnären yasağan bulsa, qış köne “PYD-YPG”le bulıp Racu, Şäyez Hadid häm Bölbel cirleklärenä qayta ide.

 “Watan” gazetı: “Aq qoyı atom-töş stanśiyasınıñ tözeleşe aprel’dä başlıy”

Rusiyäneñ “Rosatom” däwlät atom-töş ênergetikası oyışması başlığı Aleksey Lixaçyov Märsindä Aq qoyı atom-töş stanśiyasınıñ tözeleşenä aprel’ ayında başlayaçaqların açıqladı. Törkiyäneñ berençe atom-töş stanśiyası bulaçaq häm 20 milliard dollar kapital salu üzqimmäte küzdä totılğan Aq qoyı atom-töş stanśiyası öçen üktäbr’ ayı axırına taba çikle êş röxsäte alınğan ide. 4 reaktordan toraçaq Aq qoyı atom-töş stanśiyaseneñ berençe blokı 2023nçe yılda, başqa bloklarnıñ da bereşär yıl ara belän xezmätkä tapşırıluı maqsat itelä.

“Xäbär Türk” gazetı: “Rusiyägä ciläk-cimeş häm yäşelçä êksportında maqsat zur”

Rusiyäneñ borıç, badımcan, maril, anar häm qabaq importına qarata çikläwlärne bügen beteräçägen açıqlawı yäş’ ciläk-cemeş häm yäşelçä êksportçısın ömetländerde.

Törkiyäneñ Rusiyägä bulğan yäş’ ciläk-cemeş häm yäşelçä êksportı 2018nçe yılnıñ berençe 2 ayında uzğan yılnıñ şul uq çorında qarağanda 65%qa artıp 66 million dollardan 109 million dollarğa citte. Yıllarğa qarap çağıştırılğan oçraqta isä Törkiyä Rusiyägä 2014nçe yılda 938 million dollar, 2015nçe yılda 877 million dollar, 2016nçı yılda 331 million dollar häm 2017nçe yılda 638 million dollar êksport başqarğan.

“Yäni Şafak” gazetı: “İranlı 100 meñ turist kilä”

Kürşe il belän mönäsäbätlärneñ yaxşırtıluı häm ütkärelgän tanıtu êşçänlege belän illärendäge yal itü waqıtında Vanğa kilüne saylap alğan İran turistları yasağan alış-bireş belän töbäkkä säwdä canlılığın alıp kiterä. Urınnarnı ayırıp quyu (bron’när) belän qunaqxanälärdä tulılıq küläme 80%qa citkän şähärdä säwdägärlär dä "Van Shopping Fest alış-bireş könnäre" festivale belän qunaqlarnı qabul itärgä äzerlänä. İranda näwrüz yalı 18nçe martta başlıy häm 13 kön däwam itäçäk.

“Sabah” gazetı: “Törkiyä – kapital salu şartları iñ yaxşı bulğan illärdän berse”

Dön’ya bankınıñ illärgä qarap ütkärgän êkologiya, kapital salu, tabiği çığanaqlar, market, texnologiya häm markalar tikşerenülärendä 2018nçe yılda investiśiya şartları iñ yaxşı bulğan illär isemlege täq’dim itelde. İsemlektä Törkiyä dä bar. Dön’ya bankı äzerlägän isemlekkä kürä, Törkiyä Awrupa illären artta qaldırğan.