Törek matbuğatına küzӓtü 02.03.2018

“Star” gazetı “Töreklӓrneñ Afrikada başqarğannarı franśuzlarnı şaqqattıra” isemle xӓbӓrendӓ Törkiyӓ ilbaşı Ӓrdoğannıñ Törkiyӓ-Senegal êş forumında çığış yasawın citkerӓ.

Gazet yazuınça Ӓrdoğan Fransiyaneñ êlekke dӓwlӓt başlığı Fransua Oland belӓn bӓyle añlatqan waqiğa iğtibarnı cӓlep itte. Senegalda hawa mӓydanınıñ töreklӓr tarafınnan qısqa waqıtta yasaluınıñ üzlӓre öçen ğorurlıq buluın assızıqlağan Ӓrdoğan tübӓndӓgeçӓ dӓwam itkӓn: “Xörmӓtle Oland monda oyıştırılğan cıyılışta qatnaşqanda “Monı franśuz podryadçiklarımı yasadı?” dip soradı. “Yuq, törek podryadçikları” cawabın işetkӓç şaqqattı. Franśiyaneñ xӓzerge ilbaşı Êmmanuêl’ Makron da aêroportnı töreklӓrneñ tözüen öyrӓngӓç ğacӓpkӓ qaldı.”

“Sabah” gazetı Transport, diñgezçelek hӓm êlemtӓ ministrı Ӓxmӓt Arslannıñ İspaniyaneñ Barselona şӓhӓrendӓ oyıştırılğan GSMA yӓrminkӓsendӓ Törkiyӓneñ qatnaşuın bӓyӓlӓp: “2016da 4.5G ğa küçkӓnnӓn soñ hӓrkemneñ maqsatı 2020 yılda 5G ğa küçü buldı. 5G ğa küçkӓn berençe illӓrdӓn bulırğa telibez,” – dip ӓytüen citkerӓ.

Xӓbӓrgӓ kürӓ Törkiyӓneñ 5G mӓs’ӓlӓsendӓ alğarış tӓêmin itüen beldergӓn ministr Törkiyӓdӓn yӓrdӓm sorawçı illӓrneñ buluın ӓytkӓn.

“Xӓbӓr türk” gazetı “Törkiyӓ Awrupalı turist mӓs’ӓlӓsendӓ optimist” isemle yazmasında Törkiyӓdӓge qunaqxanӓçelӓr berlege idarӓ şurası başlığı Timur Bayındırnıñ 2018 yılnıñ başında qatnaşqan Hollandiya hӓm İspaniya yӓrminkӓlӓrendӓ turizmda Awrupa bazarı öçen uñay işarӓtlӓr aluların belderep: “Bıyıl Awrupa bazarlarıbızda yaxşıru kötӓbez,” – digӓn süzlӓren citkerӓ.

Gazet yazuınça Timur Bayındır Törkiyӓgӓ kilgӓn çit il turist sanınıñ 38,48% lık artış belӓn 1 million 460 meñğa citüeneñ tarmaq cӓhatennӓn uñay tӓraqqıyӓt’ buluın ӓytte.

“Yӓni Şafak” gazetı “Rusiyӓ yӓnӓ Törkiyӓgӓ yünӓlӓ” isemle xӓbӓrendӓ Rusiyӓneñ Törkiyӓdӓn borıç, baklajan, salat-latuk, granat hӓm qabaq importına qarağan kirtӓlӓrne beterӓçӓgeneñ citkerelüen yaza.

Xӓbӓrgӓ kürӓ mӓs’ӓlӓ belӓn bӓyle açıqlawnı “Rossel’xoznadzor” yasadı. Oyışmanıñ matbuğat süzçese Yuliya Melano tübӓndӓgeçӓ citkerde: “5 marttan başlap Törkiyӓdӓn borıç, baklajan, salat-latuk, granat hӓm qabaq importına röxsӓtneñ birelӓçӓge belӓn bӓyle qarar qabul ittek.” Rusiyӓ oçqıç krizisınnan soñ 2016 yılnıñ 1 ğinwar könennӓn başlap Törkiyӓdӓn pomidor, borıç, baklajan, salat-latuk, granat hӓm qabaq importın tuqtatqan ide.