Törek matbuğatına küzätü 27.02.2018

“Sabah” gazetı: "Ärdoğan: “Kvota sisteması säwdä êlemtälärenä tiskäre yoğıntı yasıy””

İlbaşı Räcäp Tayyip Ärdoğan Aljir säfäre aldınnan bu ildä çığıp kilüçe “Äş-Şuruk” gazetına könüzäk mäs’älälärgä qağılışlı açıqlawlar yasadı. Kvota sisteması belän import êşlänmälärenä qarata liśenziya taläpläreneñ säwdä êlemtälärenä tiskäre yoğıntı yasawın belderep, ike ilneñ säwdä häm kapital salu potenśialınnan mömkinleklär qısalarında in yaxşı räweştä qullana alu öçen törle yaqlap iqtisadi mönäsäbätlärneñ kiläse çorlarda tağın da kübräk üseş alaçağın assızıqladı.

“Watan” gazetı: "Ärdoğan Makron belän telefonnan söyläşte”

İlbaşı Räcäp Tayyip Ärdoğan belän Franśiya Däwlät başlığı Êmmanuêl’ Makron telefonnan Süriyädäge soñğı täräqqiyätlärne häm ike yaqlı mönäsäbätlärne söyläşte. Törek qorallı köçläreneñ Süriyäneñ Afrin töbägendä ütkärüçe “Zäytün botağı” xäräkäte belän bäyle bularaq mäğlümat urtaqlaşqan İlbaşı Ärdoğan Afrinnıñ terror êlementlarınnan çistartıluı näticäsendä sıyınuçılarnıñ Süriyägä qaytuınıñ da mömkin bulaçağın belderde.

“Star” gazetı: “Akar: “Terrorçılar häm terrorçılarnı yaqlawçı tışqı köçlär ciñelügä duçar bulaçaq”

Ğomum ştab başlığı armiya generalı Hulusi Akar terrorçılar belän alarnı yaqlawçı tışqı köçlärneñ ciñelügä duçar iteläçägen äytte. Ğomum ştab başlığı armiya generalı Hulusi Akar Ciröste köçläre komandirları belän bergä Hataydağı törle iminlek bülekçälärenä häm xärbi berleklärenä bardı. "Afrinda urnaşqan häm kilep çığışı belän närsä genä bulmasın, böten terrorçılar belän bolarnı yaqlawçı tışqı köçlär motlaq räweştä ciñelügä duçar iteläçäkter”, - dip äytte.

“Xäbär Türk” gazetı: "Korbinnan Awrupa Berlegennän soñğı çor öçen Törkiyä ürnäge”

Angliyanıñ “Êşçe” partiyası liderı Jeremi Korbin ileneñ Awrupa Berlegennän ayırıluınnan soñ Tamğaxanä (tamojnya) berlegendä qaluınıñ zarurlığın belderde. Korbin, Awrupa Berlege belän Törkiyä yäisä Norvegiya kebek mönäsäbät urnaştırıla alınaçağın äytte.

“Yäni Şafak” gazetı: "Tağın 6 stadion salınaçaq”

Törkiyä yäş’lär häm sport ministrlığı belän TOKİ Kümäk toraq idaräse mömkinlekläre belän Änkara, Älazığ, Ärzincan, Hakkari, Şırnak häm Ädirnädä 820 million lirağa salınaçaq stadionnar futbolnı yaratuçılarnıñ xezmätenä täq’dim iteläçäk.