Törek matbuğatına küzätü 26.02.2018

 “Vatan” gazetı “Ärdoğannan Salih Müslim belderüe” isemle xäbärendä Törkiyä ilbaşı Räcäp Tayyip Ärdoğannıñ Çexiyada totqarlanğan ,qızıl byulleten’ belän êzlängän “PYD/PKK” separatist terror oyışmasınıñ êlekke räistäşe Salih Müslimne Törkiyägä tapşıruların teläwlären belderüe turında yaza.

Ärdoğan Şanlıurfada yasağan çığışında “Çexiya Müslimne Törkiyägä tapşırır dip ömetlänäbez” dip belderde.   

”Yäni Şafak” gazetı “Yıldırım saqlanu investiśiyäläreneñ 35 milliard dollardan uzıp kitüen belderde” isemle xäbärendä Törkiyä prem’yer-ministrı Binali Yıldırımnıñ “Bügenge köngä qadär saqlanu sänäğätenä 35 milliardtan kübräk kapital saldıq. Saqlanu sänäğäteneñ êksport säläte 2 milliar dollardan arttı”dip äytüen citkerä.

”Star” gazetı “Törkiyä çılbırlı texnikası Senegalnı saqlayaçaq” isemle xäbärendä Törkiyä saqlanu sänäğate citeştergän çılbırlı texnikağa qarata çit ildä qızıqsınunıñ artuınıñ yaña êksport yulların açuı turında yaza. Gazet yazuınça, Senegal da Törkiyädän xärbi texnika satıp aldı.

”Xäbär Törek” gazetınıñ “Turizm cännätenä hawa mäydanı” isemle xäbärennän kürengänçä, cäyge turizm üzäklärennän Çäşmä Alaçatığa hawa mäydanı tözep yıl buyı turist qabul itüne maqsat itep quya.

 Törkiyä qunaqxanälär federaśiyäse başlıq urınbasarı Mäxmät İşlär beldergänçä turizmnıñ 3 öleşe bar:qalu urını, tur operatorlığı häm yul.İlçädä qalu urını, qunaqxanälär häm tur operatorlığı probleması yuq.Kilü,ireşü mäs’äläse dä xäl itelsä Çäşmä dönya külämendä möhim üzäk bulaçaq.  

”Xörriyät” gazetı “Turizm keremeneñ 22,5% ğorbätçedän” isemle xäbärendä Törkiyäneñ 2017 nçe yılda 26 milliard 300 million dollar bulğan tuplam turizm keremeneñ 22 milliard 500 millionın çit illärdä yäşäwçe watandaşlarnıñ çığımnarı täşkil itüen belderüe turında yaza. 2017 nçe yılda Törkiyägä kilgän çit il turistınıñ ber keşegä turı kilgän urtaça çığımı 630 dollar, ğorbätçeneñ isä 903 dollar buldı.