Törek matbuğatına küzätü 23.01.2018

 “Xäbär Törek” gazetı “Ärdoğannan Amerika Quşma Ştatlarına waqıt cawabı” isemle xäbärendä Süriyäneñ Afrin töbägendäge terrorçılarğa başlatılğan xäräkät belän bäyle “Waqıtı bilgele bulırğa häm ozaq däwam itmäskä tiyeş” dip äytkän Amerika Quşma Ştatlarına Törkiyä ilbaşı Räcäp Tayyip Ärdoğannıñ “Äfganstanda seznen waqıtığız bilgele buldımı ? Qayçan betäçäk? Bez 2002 nçe yılda xakimiyätkä kilgänçe Ğiraqqa kerdegez,haman da şunda sez. Xäzer isä Süriyägä kerdegez. Monın waqıt aralığı bulırmı?” dip reakśiya belderüen citkerä.

”Vatan” gazetı “Terror oyışmasında fiker törlelege başlandı” isemle yazmasında “PKK/YPG”lı terrorçılarnıñ Afrin şähär üzägenä taba kiñäygän operaśiya belän bäyle bularaq üz aralarında fiker törlelege küzätelüen belderä.

 Xäbärdän kürengänçä, ber törkem oyışmanıñ şähärne Äsäd rejimına tapşıruı kiräklegen yaqlıy. Dimäşq’ rejimı belän 3 köndä 7 söyläşü ütkärelüe belderelä. Oyışma êçendäge başqa ber törkem Afrinnı Rusiyägä birü fikere yaqlı. Fäqät’ bu mäs’älädäge kereşülärne Rusiyäneñ kire qağuı belderelä. Oyışma êçendäge öçençe törkemneñ isä tınıç xalıqnıñ ilçädän çığuına röxsät birmiçä bäreleşlärgä äzerlänüe citkerelä.

”Sabah” gazetı “80 million ber yöräk” isemle xäbärendä Könyaq –könçığış Anadolu xalqınıñ “PKK/PYD-YPG”nıñ pıçraq propagandasına öylär häm êş urınnarına bayraqlar êlep quyıp cawap qaytaruın citkerä. Afrin xäräkätenä yaqlaw kürsätü öçen här cirgä bayraqlar êlende.

 ”Yäni Şafak” gazetı “Afrinda “PKK/PYD-DEAŞ” xezmättäşlege” isemle xäbärendä Afrindağı “PYD/PKK” terror oyışmasınıñ törmälärdäge “DEAŞ”lılarnı  Törek Qorallı Köçläre häm bäysez Süriyä armiyäsenä qarşı suğışıları şartı belän irekka cibärüen belderä.  

”Star” gazetı “Zäytün botağı” xäräkäte dollarnı töşerde” isemle xäbärendä “Zäytün botağı” xäräkäteneñ bazarlarnıñ yaña atnağa uñay başlangıç belän kereşüenä säbäp buluın citkerä. Operaśiya başlanğannan birle dollar qimmät yuğaltuın däwam itterä.