Törek matbuğatına küzätü 22.01.2018

 “Xäbär Törek”gazetı” Ciñü yaqında” isemle xäbärendä Törkiyä ilbaşı Räcäp Tayyip Ärdoğannıñ Süriyädäge Afrinnı terrordan arındıru öçen oyıştırılğan “Zäytün botağı” operaśiyäseneñ iñ qısqa waqıtta tämamlanuına ışanuın belderep”Ciñü bik yaqında. Alar qaçaçaq, bez êzärlekläyäçäkbez” dip äytüen citkerä.  

”Xörriyät” gazetı “Qaharmannar Afrinda” isemle xäbärendä Törkiyä prem’yer-ministrı Binali Yıldırımnıñ törek ğaskärläreneñ kiçä çik buyınnan ütep kerülären belderep “Zäytün botağı”xäräkäte belän bäyle mäğ’lümat birüen belderä.

Xäbärdän kürengänçä, Yıldırım töbäktä 8-10 meñ terrorçı buluın ,operaśiyäneñ 4 êtapta tormışqa aşırılaçağın citkerde.

”Yäni Şafak” gazetı ”Ştab çik buyında” isemle xäbärendä ğomum ştab başlığı armiya generalı Hulusi Akarnıñ köç komandirları belän bergä Hatayğa baruın, “Zäytün botağı” xäräkäten urınında qarawı turında yaza.

Hulusi Akar “Ğaskärlär tınıç xalıqnıñ zıyan kürmäwe öçen sizger häm iğ’tibarlı bulaçaq”dide.

”Star” gazetı “153 maqsatqa höcüm” isemle xäbärendä Afrinnı terrordan arındıru öçen oyıştırılğan “Zäytün botağı” xäräkäteneñ ike könendä hawadan häm cir östennän tuplam 153 “PYD” häm “DEAŞ” maqsatına höcüm yasaluın citkerä.

 Törek Qorallı Köçläre barı tik terrorçılar maqsat itep alınğan xäräkätneñ planlaştırılğan kebek däwam itüen belderde.

”Vatan” gazetı “Milli keşesez hawa apparatları täwge tapqır Afrinda“ isemle xäbärendä Törek Qorallı Köçläreneñ Afrindağı “PKK/PYD” terror oyışmasına başlatqan “Zäytün botağı” xäräkätendä yaña texnlogiyalar belän cihazlandırılğan milli keşesez hawa apparatlarınıñ da täwge tapqır wazıyfa başqaruın xäbär itä.