Törek matbuğatına küzätü 18.01.2018

“Xörriyät” gazetı: "Bozdağ: “Törkiyä sabırlıqnıñ soñğı çigenä citte””

Prem'yer-ministr urınbasarı häm xökümät süzçese Bäkir Bozdağ Ministrlar Şurası cıyılışınnan soñ yasağan belderüendä Törkiyäneñ “PYD-YPG” terror oyışmasına qarşı Afrin operaśiyası öçen: “Törkiyä sabırlığınıñ soñğı çigenä citte. Tağın da zur risklarnı alırğa turı kilergä mömkin. Törkiyä däwläteneñ isänlege öçen tağın da zurraq risk zarur qıluçı adım yasawdan tartınmayaçaq”, - dip äytte.

“Xäbär Türk” gazetı: "Çavuşoğluna Rusiyä xezmättäşennän Süriyä telefonı!"

Tışqı êşlär ministrı Mäwlüt Çavuşoğlu Rusiyä xezmättäşe Sergey Lavrov belän telefonnan söyläşte. Rusiyä yağınıñ teläge nigezendä ütkärelgän söyläşüdä Süriyädäge täräqqiyätlär Soçidä ay axırında cıyıluı planlaştırılğan Süriyä milli kileşü cıyılışı häm Süriyädä Äsäd rejimınıñ utnı tuqtatunı bozu oçraqları qısalarında quzğatıldı.

“Watan” gazetı: "Törkiyägä aqça ağaçaq. Däw investiśiyälär kilä”

Awrupa tözekländerü häm qalqınu-üseş bankı (EBRD) başlığı Suma Çakrabarti 18nçe-19nçı ğinwarda Törkiyägä qılaçaq säfär aldınnan yasağan belderüendä: “Törkiyädä bıyıl 1 milliard yarım yevrodan kübräk köçle kapital saluıbıznıñ bulaçağın uylıym. Törkiyä – bezneñ iñ zur bazarıbız. Törkiyädäge soñğı 3 yılda tuplam 5 milliard 400 million yevrolıq investiśiya salğanbız. Törkiyädä barı tik uzğan yılnıñ soñğı 3 çiregenä qarasağız, üseş çınnan da bik täêsirle. Kiläçäkkä qarata küreneş şaqtıy yaxşı”, - dip äytte.

“Sabah” gazetı: "THY belän “Air Moldova” arasında urtaq oçış kileşüe”

Törek hawa yulları (THY) belän Moldovanıñ iñ zur hawa yulı şirkäte häm bayraq yörtüçese “Air Moldova” arasında kod urtaqlaşuı kileşüenä imza salındı. THYdän yasalğan belderügä kürä, kileşü belän Törek hawa yulları häm “Air Moldova” İstanbul-Kişinev v.v. liniyasında ike yaqlı bularaq başqasınıñ säfärenä üz oçış kodın urnaştıra alaçaq. Kileşü 2018nçe yılnıñ 29nçı ğinwar könne ğamälgä keräçäk.

“Star” gazetı: "Siirt 2018 xalıqara Emitt Turizm yärminkäsenä äzer”

Siirt 2018nçe yılnıñ 25nçe-28nçe ğinwar könnärendä Böten yärminkä êşçänlege (TÜYAP) Bäylikdüzü yärminkä häm kongress üzägendä uzaçaq Könçığış Urta diñgez xalıqara turizm häm säyäxät yärminkäsenä äzerlegen tämamladı. Här yıl törle tarmaqlarda büläkkä layıq bulğan Siirt vilayät idaräse (gubernatorlığı) stendı bıyıl da tarixi Olı camiğ belän Tillo pıyala tamaşa qılu terrasası konśepśiyası belän täqdir itelep, Siirtneñ tarixi, mädäni häm tabiği maturlıqları belän ber rättän töbäkneñ cirle êşlänmäläre, uñışları da tanıtılaçaq.