Törek matbuğatına küzätü 17.01.2018

“Xörriyät” gazetı: “Ärdoğan: “Afrin operaśiyasın Süriyäle oppoziśiya belän ütkäräçäkbez””

İlbaşı Räcäp Tayyip Ärdoğan Törkiyä Böyek Millät Mäclesendäge törkem cıyılışınnan soñ jurnalistlarğa yasağan belderüendä Süriyäneñ tön’yağında terror oyasına äylängän Afrinda ütkäreläçäk operaśyanı Süriyä oppoziśiyası belän bergä alıp baraçaqların äytte.

“Sabah” gazetı: "İlbaşı Ärdoğannan tarixi säfär”

İlbaşı Räcäp Tayyip Ärdoğan 5nçe fevral’dä Papa Franśisknıñ qunağı bularaq Vatikanğa säfär qılaçaq. Ärdoğannıñ katoliklarnıñ dini liderı Papa Franśisk belän oçraşuında iñ möhim kön tärtibe mäddäse Qudüs-Yerusalim mäs’äläse bulaçaq. İlbaşı Ärdoğannıñ Vatikan vizıtı - 59 yıldan soñ Däwlät başlığı däräcäsendä yasalaçaq berençe räsmi säyäxät bulaçaq.

“Xäbär Türk” gazetuı: "Ğomum ştab başlığı Akardan “PYD” reakśiyası: röxsät itä almıybız häm itmäyäçäkbez”

Ğomum ştab başlığı armiya generalı Hulusi Akar Bel’giya başqalası Bryussel’däge NATO xärbi komitet ğomum ştab başlıqları cıyılışınıñ açılış utırışında yasağan çığışında: "PKKnıñ däwamı buluı açıq dälillär belän isbatlanğan “YPG” terror oyışmasınıñ “operativ partnyor” iseme astında yaqlanıluına häm qorallandırıluına röxsät birä almıybız häm birmäyäçäkbez. Bu xatadan iñ qısqa waqıtta kire qaytılaçağın ömet itäbez”, - dip äytte.

“Yäni Şafak” gazetı: “80 milliardlıq 20 proyekt”

İqtisad ministrı Nihat Zäybäkci "Törkiyäneñ üz däwlären buldıruı” bularaq tanıtılğan häm importı yuğarı tarmaqlarğa qarağan proyekt bazalı täşviq-qızıqsındıru sistemasındağı tuplam 80 milliard liralıq investiśiya proyektlarına qağılışlı qararlarnıñ ay axırına qadär Ministrlar Şurasında qabul itüne planlaştıruların äytte. Zäybäkci täşviq bireläçäk proyekt sanınıñ da 20gä citüen äytte.

“Star” gazetı: "Germaniya bazarınnan 4 million turist kötelä”

TÜRSAB Törkiyä säyäxät agentlıqları berlegeneñ çit il wäkile Xösäyen Baranär dönyanıñ iñ zur yal itü häm turizm yärminkälärennän berse bularaq qabul itelgän häm 13nçe-21nçe ğinwarda başlanğan 50nçe CMT (Karavan-Motor-Turizm) yärminkäsendä Törkiyä stendına bik zur iğtibar kürsätelüen añlattı.