Törek matbuğatına küzӓtü 19.12.2017
19 dekabr' könne basılıp çıqqan qayber törek gazetlarına küzätü
“Yӓni Şafak” gazetı Törkiyӓ ilbaşı Ӓrdoğannıñ başqala Ӓnkarada Xalıqara qaçaqlar köne uñayınnan oyıştırılğan “Anadoluda bar dönya” isemle çarada yasağan çığışında AQŞnıñ Yerusalimnı İzrail başqalası bularaq qabul itüenӓ reakśiya belderüen yaza.
Xӓbӓrgӓ kürӓ Ӓrdoğan tübӓndӓgeçӓ belderde: “Bügen Yerusalimda yılawçı hӓr bala, qayğılı hӓr ӓni keşe, ut açılğan, qıynalğan, mısqıllanğan hӓr keşe yaqınlaşuçı dawılnıñ xӓbӓrçeseder. Yerusalim mӓs’ӓlӓse böten keşelekneñ hӓm ayıruça da möselmannarnıñ uyanuına sӓbӓpçe bulaçaq.”
“Xörriyӓt” gazetı Yerusalimda İzrail ğaskӓrilӓre tarafınnan qıynalıp, qulğa alınğan daun xastası Möxӓmmӓd Khader Khaleel Al-Taweelnı Törkiyӓneñ yaqlawın citkerӓ.
Gazet yazuınça fӓlӓstinle yeget hӓm ğailӓse Törkiyӓgӓ kiterelde. İzrail ğaskӓrilӓre Ӓl-Xӓlil şӓhӓrendӓ 10 dekabr’ könne xasta yegetne qulğa aluı urın alğan video yazmalarğa dönya cӓmӓğatçelege reakśiya kürsӓtkӓn ide.
Xӓbӓrdӓn kürengӓnçӓ fӓlӓstinle yeget qulğa alınğannan soñ 6 sӓğat’ buyı irekkӓ cibӓrelmӓwen, qıynaluın hӓm qulların arttan bӓylӓwlӓren açıqladı. Xasta yegetkӓ psixologik yӓrdӓm kürsӓtelӓçӓk.
“Watan” gazetı “Afrin operaśiyase öçen ӓzerleklӓr tӓmam” isemle xӓbӓrendӓ uzğan yılnı Fırat qalqanı operaśiyasendӓ Süriyӓdӓge DEAŞ terror oyışması terrorçılarınıñ çistartıluınnan soñ çiratnıñ Afrin operaśiyasenӓ kilüen citkerӓ.
Gazet yazuınça Törkiyӓ ilbaşı Ӓrdoğannıñ “Afrinnı da, Mӓnbiçne dӓ terrordan çistartaçaqbız” digӓn süzlӓrennӓn soñ Törek qorallı köçlӓre hӓm Bӓysez Süriyӓ armiyase köçlӓre separatist PKK terror oyışmasınıñ Süriyӓdӓge törkeme PYD/YPGğa qarşı oyıştırılaçaq operaśiya öçen ӓzerlek poziśiyasenӓ küçte.
“Sabah” gazetı soñğı yıllarda artqan sanaq programmaları kereşülӓre belӓn Farsı qultığı investorınıñ qızıqsına başlawın yaza.
Xӓbӓrgӓ kürӓ Tışqı iqtisadi mönӓsӓbӓtlӓr şurası DEİKnıñ Texnologiya kiñӓşçese Ali Rıza Babaoğlan: “2018dӓ bu ölkӓgӓ 50 million dolarlık kapital kötӓbez,” – dide.
Gazet yazuınça Törkiyӓdӓ investisiya kertüneñ Yaqın Könçığışlılar öçen prestij çığanağı buluın beldergӓn Babaoğlan: “Yaqın Könçığışlılar Törkiyӓgӓ ışana,” – dide.
