Törek matbuğatına küzӓtü 14.12.2017

“Yӓni Şafak” gazetı AQŞnıñ Yerusalimne İzrail başqalası bularaq tanu qararına reakśiya beldergӓn İslam illӓre liderlarınıñ kiçӓ İstanbulda oçraşuın yaza.

Gazet yazuınça İslam xezmӓttӓşlek oyışmasınıñ çirattantış oçraşuı Törkiyӓ ilbaşı Ӓrdoğannıñ çaqıruı belӓn çınğa aştı. Oçraşuda 16ısı lider dӓrӓcӓsendӓ barlığı 48 ildӓn qatnaşu buldı.

Xӓbӓrgӓ kürӓ AQŞ qararın xoquqsız dip tanığan Ӓrdoğan: “İzrail – yawlawçı dӓwlӓt, şul uq waqıtta terror dӓwlӓte,” – dide. Oçraşuda ilbaşınıñ Yerusalim çaqıruı üz êzen qaldırdı: “Yerusalimne Fӓlӓstin başqalası bularaq taniq.”

Xӓbӓrdӓn kürengӓnçӓ cıyılıştan tarixi qarar çıqtı, İslam xezmӓttӓşlek oyışması Könçığış Yerusalimne Fӓlӓstin başqalası bularaq tanıdı.

“Xörriyӓt” gazetı “Ӓnkaradann Tramp kiñӓşçesenӓ qırıs totış” isemle xӓbӓrendӓ AQŞ ilbaşı Trampnıñ Milli iminlek kiñӓşçese McMasternıñ Törkiyӓ hӓm Qatarnıñ radikal’ ideologiyalӓrneñ yaña sponsorları buluı turındağı Törkiyӓne maqsat itep aluçı dӓğwalarına tışqı êşlӓr ministrlığınıñ cawap qaytaruın citkerӓ.

Gazet yazuınça ministrlıktan yasalğan açıqlawda dӓğwalar turında “aptıraşta qaldıruçı, nigezsez hӓm qabul itelmӓslek” dip ӓytelde.

“Sabah” gazetı “Çit il keşelӓre Törkiyӓdӓ dӓwalana” isemle yazmasında soñğı yıllarda sӓlamӓtlek saqlaw turizmında alğarış tӓêmin itkӓn Törkiyӓneñ bu yılnıñ 11 ayında rekord quyuın citkerӓ.

Xӓbӓrgӓ kürӓ Törkiyӓdӓge Sӓlamӓtlek turizmı şurası mӓğlümatlarına kürӓ ğinwar-noyabr’ ayılarında Törkiyӓgӓ 751 meñ turist sӓlamӓtlegen nığıtır öçen kilde.

Gazet yazuınça Sӓlamӓtlek saqlaw turizmın üsterü şurasınıñ qoruçı başlığı Ӓmin Çakmak tübӓndӓgeçӓ citkerde: “Bez bıyıl öçen 750 meñ turist maqsat itkӓn idek, monı aştıq. Yıl azağına qadӓr 760 meñ keşegӓ ireşӓçӓgebezne hӓm keremebezneñ 7 milliard liradan uzaçağaın küzallıybız.”

Xӓbӓrdӓn kürengӓnçӓ Çakmak 2018dӓ 800 meñ turistnı hӓm 7 milliard yarım törek lirası külӓmendӓ keremne maqsat itülӓren belderde.