Törek matbuğatına küzӓtü 08.12.2017

“Star” gazetı “NATOğa bezneň yӓrdӓm belӓn kerdeğez” isemle xӓbӓrendӓ Greŝiyağa sӓfӓre qısalarında Afinada xezmӓttӓşe Prokopis Pavlopulo belӓn küreşep söylӓşkӓn Törkiyӓ ilbaşı Ӓrdoğannıň: “NATOdan sez çıqtığız, qabat NATOğa kerüegezne bez tӓêmin ittek. Bez kirtӓ quysa idek, sez NATOğa kerӓ almıy idegez. Lӓkin bez kürşe didek. Bügenge köndӓ dӓ ӓytӓbez,” – digӓn süzlӓren citkerӓ.

“Sabah” gazetı Törkiyӓ premyerı Binali Yıldırımnıň Könyaq Koreyağa sӓfӓrennӓn soň oçqıçta jurnalistlarğa yasağan açıqlawında Amerika Quşma Ştatları ilbaşı Donal’d Trampnıň Yerusalim qararı belӓn bӓyle bularaq: “Yerusalimneň statusı belӓn uynaw şartlarğa torğan granata kebek,” – dip ӓytüen yaza.

“Yӓni Şafak” gazetı “2018 yul kartası ӓzer” isemle xӓbӓrendӓ Binali Yıldırımnıň Törek sӓnӓğӓtçelӓre hӓm êşmӓkӓrlӓr cӓmğiyӓte TÜSİADnıň Yuğarı kiňӓşmӓ şurası cıyılışında yasağan açıqlawında tübӓndӓgeçӓ citkerüen yaza: “2018 yıl ciňel bulmayaçaq, lӓkin ilebezneň bügengӓ qadӓr qazanışları yӓrdӓmendӓ, ışanıç yӓrdӓmendӓ 2018dӓ dӓ inşallah üseş şulay uq dӓwam itӓçӓk. 2018dӓ yul kartabıznı ӓzerlibez.”

“Sabah” gazetı Braziliyaneň iň zur hawa yulı şirkӓte Azul belӓn Törek hawa yulları arasında kod belӓn urtaqlaşunıň bulacağın xӓbӓr itӓ.

Xӓbӓrgӓ kürӓ şul rӓweşle Törek hawa yulları Azulnıň il êçendӓge sӓfӓrlӓr kodına kertelӓçӓk hӓm yulçılar Törek hawa yulları aşa biletların turıdan satıp ala alaçaq.

“Xӓbӓr türk” gazetı “Törek hawa yulları kön bilgelӓde” isemle yazmasında Törek hawa yulları idarӓ şurası hӓm başqarma komitetı başlığı İlkӓr Aycınıň Boeing-777 yök oçqıçınıň tapşıru tantanasınnan soň jurnalistalrğa açıqlawlar yasawın citkerӓ.

Gazet yazuınça öçençe hawa mӓydanı belӓn bӓyle bularaq Aycı: “Anda ӓkrenlӓp operaŝiya başqarıla. Qulay cirlek tügel. Anıň ӓzerlӓnüe hӓm tözeleşe öçen barlıq êşçӓnleklӓr başqarıla. Kirӓkle dizayn êşçӓnleklӓre yasaldı hӓm tӓmamlandı. Qısqa waqıtta tözeleşlӓrne kürӓ alaçaqbız. Yaňa hawa mӓydanıbızda 2018 yılnıň 29 üktӓbr’ könne bulaçaqbız,” – dide.