Törek matbuğatına küzӓtü 28.11.2017

“Star” gazetı “Ӓrdoğan dekabr’dӓ Afinağa bara” isemle xӓbӓrendӓ Törkiyӓ ilbaşı Ӓrdoğannıñ rӓsmi çaqıru belӓn 7nçe dekabr’ könne ike köngӓ Greśiyağa baraçağın yaza.

Xӓbӓrgӓ kürӓ Afinağa soñğı sӓfӓr 65 yıl êlek öçençe dӓwlӓt başlığı Cӓlal Bayar tarafınnan çınğa aşırılğan ide. Ӓrdoğannıñ sӓfӓre belӓn bӓyle berençe adım premyer-ministr Binali Yıldırım iyun’ ayında Afinağa yasağan sӓfӓre belӓn yasalğan ide.

Gazet yazuınça Yıldırımnı qabul itkӓn Greśiya ilbaşı Prokopis Pavlopulos Ӓrdoğannıñ sӓfӓrennӓn şat bulacağın citkergӓn ide.

“Xӓbӓr türk” gazetı Törkiyӓ premyerı Binali Yıldırımnıñ Londonda ingliz xezmӓttӓşe Mêy belӓn küreşep söylӓşüen, söylӓşüdӓ Brexittan soñ iqtisadi xezmӓttӓşlek, saqlanu hӓm sӓyӓsӓtneñ qaraluın citkerӓ.

Xӓbӓrgӓ kürӓ Yıldırım ingliz investorları belӓn irtӓnge aşta küreşte hӓm tübӓndӓgeçӓ dide: “Yıl azağında üseş külӓme 6-7% bulır. Bu geografiyada yıllık milli tulayım tabış 30 trillion dollar.”

“Yӓni Şafak” gazetı Milli saqlanu ministrı Nurӓttin Caniklineñ premyer-ministr sӓfӓrendӓ qatnaşuın hӓm Londonda sorawlarğa cawap birüen yaza.

Xӓbӓrgӓ kürӓ Milli xӓrbi oçqıç TF-X belӓn bӓyle bularaq monıñ Törkiyӓ öçen möhim proyekt buluın beldergӓn Canikli: “Qısqa waqıtta barlıq êtapların çınğa aşıraçaqbız. Kiçegü bulmayaçaq. Kön birmim, lӓkin töp maqsatıbız 2023,” – dide.

“Watan” gazetı Törek qorallı köçlӓren nığıtu waqıfı oyışması ASELSAN tarafınnan stabilizaśiyalӓngӓn qoral sistemasınıñ Törkiyӓ öçen yaña êksport işegen açuın citkerӓ.

“Xörriyӓt” gazetı “Antaliyada İspaniya cile” isemle yazmasında bar dönyağa tanılğan ispaniyale sӓnğatçe Luz Casalnıñ 18nçe Xalıqara Antaliya pianino festivale qısalarında konśert quyuın citkerӓ.

Xӓbӓrdӓn kürengӓnçӓ Casal törekçӓ söylӓşep, tamaşaçılarınıñ künelen yawladı. Ayaqta alqışlanğan cırçı 3 tapqır sӓxnӓgӓ kire çıqtı.