Törek matbuğatına küzätü 14.11.2017

 “Xäbär Törek” gazetı “Säyasi çişeleş kileşüe” isemle yazmasında Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putinnıñ  Soçida küreşep söyläşüen, kön tärtibendäge töp mäs’äläneñ Süriyä krizisı buluın häm ike lidernıñ problemanı çişü belän bäyle möhim yullamalar yasawı turında yaza.

”Star” gazetı ”Prem’yer-ministr Yıldırım İran ilbaşınıñ berençe urınbasarı Cihangiri belän telefonnan söyläşte” isemle yazmasında Törkiyä prem’yer-ministrı Binali Yıldırımnıñ İran ilbaşınıñ berençe urınbasarı İshak Cihangiri belän telefonnan söyläşüen , Ğiraq-İran çik buyına yaqın urında küzätelgän cirteträwdä şaqtıy keşeneñ ğomere özelü uñayınnan qayğı urtaqlaşuın , mondıy qıyın çaqlarda Törkiyänen İrannıñ yanında buluın , kiräk bulğanda yärdämgä äzer buluların citkerüen belderä.

”Xörriyät” gazetı “2050 nçe yılda dönyanı idarä itäçäk illär bilgele buldı” isemle yazmasında salım kontrole häm beleşmä xezmätläre firması “PriceWaterhouseCoopers” (PWC)nıñ 2050 nçe yıllarda dönyada iñ köçle iq’tisadlarnıñ qaysıları bulaçağı xaqında farazlarınıñ dönya kürüen xäbär itä.

Satıp alu köçe tigezlege belän äzerlängän isemlektä Törkiyä 2050 nçe yılda berençe unlıqqa keräçak kebek kürenä. Törkiyä näticälelege belän şaqtıy Awrupa ilen uzıp kitte.

”Sabah” gazetı ” Barclays Törkiyäneñ üseş farazların kütärde” isemle xäbärendä 60 qa yaqın ildä 300 yıl buyı bank häm finans tarmağında êşçänlek başqaruçı dönyanıñ tanılğan häm iñ zur finans törkeme şirkäte “Barclays”nıñ Törkiyä iq’tisadı öçen 2017 häm 2018 nçe yıllar üseş farazların üzgärtüen citkerä.

“Barclays” xökümätneñ kredit yärdämnäre,finans täşwiqläre häm yuğarı êksport täêsirendä Törkiyä iq’tisadınıñ köçle üseşkä ireşüenä basım yasadı.

”Vatan” gazetı” Atanıñ mirası” isemle xäbarendä Ğazi Mostafa Kämal Atatörekneñ 1918 nçe yılnıñ 13 nçe noyabrendä basıp alırğa kilgän köymälärne kürgäç” Kilgän kebek kire kitärlär” dip Azatlıq suğışınıñ berençe işaräten birgän “Kartal 2” (“Börket 2”) isemle köymäneñ muzey bulaçağın uquçıları belän urtaqlaşa.

 Gazet beldergänçä, älege köymä 1 yılda restavraśiyälänäçäk.