Törek matbuğatına küzätü 23.10.2017

 “Yäni Şafak” gazetı “Ber tönne kinät kenä höcüm itärbez” isemle xäbärendä Törkiyä ilbaşı Räcäp Tayyip Ärdoğannıň Törkiyäne qamap alırğa tırışuçılarnı kisätüe turında yaza.

Xäbärdän kürengänçä, Ärdoğan “Bezneň belän strategik partnyer buluçılar xoqıqıbızğa xörmät belän qarağanda bez dä alarğa xörmät kürsäterbez”dide.

 İstanbulda “Ğadälät häm qalqınu” partiyäse oyıştırğan Yäş’lär şurasında çığış yasağan ilbaşı qayber berlektäş illärneň Süriyä häm Ğiraqta terror däwläte tözügä yünälgan adımnarın bäyäläde. Ärdoğan iminlek turında süz barğanda Törkiyäneň här törle yanawnı yuqqa çığaru öçen adım yasayaçağın häm monıň öçen beräwdän dä röxsät almayaçağın citkerde.

”Vatan” gazetı” Törkiyä êşläp çığarğan “ATAK” boralağı dönyada iň yaxşısı” isemle xäbärendä Paqıstan prem’yer-ministrı Şahid Hakan Abbasinıň Törkiyäneň cirle xärbi boralağı T129 ATAK belän İstanbulda sınap qaraw oçışı başqaruın xäbär itä.

 Gazetta Abbasinıň boralaqnı bik maqtap “Ber pilot bularaq şunı äytergä telim, bu boralaq dönyada iň yaxşı, iň täêsirle xärbi boralaq. Paqıstan Qorallı Köçläre 4 yıl buyı bu boralaqnı törle şartlarda sınap qaradı häm boralaqnı texnik yaqtan bik uňışlı dip taptı. Bu boralaqlarnıň iň qısqa waqıtta Paqıstan Qorallı Köçläre inventarendä urın aluı öçen söyläşülär däwam itä” digän süzläre urın ala.

”Sabah” gazetı” Törkiyä diňgezlärdä üz süzen äytü köçenä iyä bulaçaq” isemle xäbärendä Törkiyägä köç östäyäçäk 6 yaňa tiptağı suastı köymäse êşläp çığarunıň başlanuı turında yaza.

Vodorod yağulıq texnologiyäse belän êşläyäçäk suastı köymäläre Gölcük arsenalında êşläp çığarılaçaq. 

”Xäbär Türk” gazetınıň ”Turizm tarmağında taläp artaçaq” isemle xäbärennän kürengänçä, Törkiyä tışqı êşlär ministrı Mävlüt Çavuşoğlu kiläse sezonda Awrupanıň här cirennän kiläçäk turist sanında artış bulaçağın ,xäzerdän ük taläpneň arta başlawın belderde.

Çavuşoğlu:”Turistlar Törkiyägä kilergä teli. Bez keşelärne bik yaratabız,alarğa xezmät itü,alarnı şatlandıru bezne söyenderä. Şuňa kürä dä turizm tarmağıbız dönyada iň alda bara. Bik sıyfatlı qunaqxanälärebez bar”,-dide.

”Star” gazetı “Antaliya fil’m festivale çempionnar ligasında” isemle xäbärendä 54 nçe Xalıqara Antaliya fil’m festivaleneň tantanalı räweştä başlanıp kitüen uquçıları belän urtaqlaşa.

Festival’ne açu tantanasında çığış yasağan Antaliya şähär xakimiyäte başlığı Menderes Türäl “Festivalebezne çempionnar ligası däräcäsenä citkerergä telibez”dide.