Törek matbuğatına küzӓtü 19.10.2017

“Sabah” gazetı “Ӓrdoğan Barzaniğa sorıy: sineň Kӓrküktӓ ni êşeň bar?” isemle xӓbӓrendӓ Törkiyӓ ilbaşı Ӓrdoğannıň Ğiraqnıň tönyağında berkemne dӓ uylamıyça êş başqaruçı Ğiraq körd regional’ citӓkçelegeneň xisap birӓçӓgen belderüen yaza.

Xӓbӓrgӓ kürӓ Ğiraq körd regional’ citӓkçelege başlığı Mӓsud Barzanineň Kӓrküktӓge demokragik qorılışqa qatışu niyӓtenӓ reakŝiya beldergӓn Ӓrdoğan tübӓňdӓgeçӓ citkerde: “Kӓrkük mineke dip ӓytӓ, nindi xoquq belӓn sineke bula? Ğiraqta bu sӓbӓptӓn qoyıluçı qannıň cawaplısı regional’ citӓkçelekter.”

“Yӓni Şafak” gazetı “5 bertuğan belӓn çişelmi” isemle xӓbӓrendӓ Törkiyӓ premyer-ministr Binali Yıldırımnıň Berlӓşkӓn Millӓtlӓr Oyışmasınıň Ӓfğanstan, Fӓlӓstin, Kipr hӓm tağın küp kenӓ problemağa çişeleş taba almawın ӓytüen yaza.

Gazet yazuınça Yıldırım TRT World forumnıň açılışında: “BMO İminlek şurasınıň 5 bertuğanı bar. Bu 5 qardӓşneň berse berüze çişeleşkӓ kirtӓ quya, ikençese dӓ başqa problemada taraf bula, ul da kirtӓ quya. Şul rӓweşle problemalar çişelmi,” – dide.

“Star” gazetı “Pomidor dekabr’ ayında Rusiyӓgӓ satılaçaq” isemle xӓbӓrendӓ Rusiyӓ hӓm Törkiyӓ Xökümӓtlӓrara komissiya rӓistӓşe hӓm Rusiyӓneň Ênergetika ministrı Aleksandr Novaknıň 4 törek şirkӓtenӓ 50 meň tonna pomidor satu röxsӓteneň birelüen hӓm satu êşlӓreneň 1nçe dekabr’dӓn başlanacağın ӓytüen citkerӓ.

Gazet yazuınça Novak rus hӓm törek rӓsmi zatlarınıň 21nçe üktӓbr’ könne xökümӓtlӓrara komissiya cıyılışında tawıq ite hӓm qızıl itneň törek bazarına satıluı mӓs’ӓlӓsen dӓ qarayaçaqların açıqladı.

“Xörriyӓt” gazetı Çempionnar ligasında franŝuz taqımı Monakonı 2-1 isӓbe belӓn ciňgӓn törek taqımı Bӓşiktaşta 2 tup kertkӓn Cӓnk Tosunnı uynatırğa telӓwçe komandalar sanınıň artuın xӓbӓr itӓ.

Xӓbӓrdӓn kürengӓnçӓ 26 yӓşlek futbolçı soňğı uyın belӓn üz bӓyӓsen arttıra aldı.