Törek matbuğatına küzätü 08.09.2017

“Sabah” gazetı “Ärdoğan İmamali Rahman belän telefonnan söyläşte” isemle xäbärendä Törkiyä ilbaşı Räcäp Tayyip Ärdoğannıň Tacikstan ilbaşı İmamali Rahman belän telefonnan söyläşüe turında yaza.

Gazet yazuınça,söyläşüdä Törkiyä –Tacikstan mönäsäbätläre häm M’yanmadağı keşelek draması turında süz bardı.

İslam xezmättäşlek oyışması äğ’zası illäreneň arakanlı möselmannar dramasına konstruktiv çişeleş tabu öçen tırışlıq kürsätüläreneň ähämiyätenä basım yasalğan söyläşüdä Berläşkän Millätlär Oyışması qısasındağı  kereşülärneň dä däwam itüe kiräklege assızıqlandı.

“Star” gazetı “Äminä Ärdoğan Törkiyädän kitkän yärdämnärne arakanlı möselmannarğa tarattı” isemle xäbärendä Törkiyä ilbaşınıň xäläl cefete Äminä Ärdoğan häm yanındağı wäkillekneň arakanlı sıyınuçılar qaluçı Bangladeştağı Kutupalong lagerına baruların häm yärdäm taratuların xäbär itä.

Xäbärdän kürengänçä ,Äminä Ärdoğan tübändägelärne citkerde:”Allah yärdäm itsen. Böten dönya bu mäs’älägä yärdäm bularaq ta, säyäsi çişeleş bularaq ta iğ’tibarlı bulır inşallah. Bu ğasırda mondıy wäxşätkä ışanu qıyın.  Barıbıznıň da balaları bar. Bezneň balabız tügel dip iğ’tibarsız qala almıybız”,-dide.

”Star” gazetı “Berlinnı çığırdan çığarğan küreneş” isemle yazmasında Germaniyada möhacirlar tözegän  Alman demokratlar berlegeneň 24 nçe sentyabr’da ütkäreläçäk saylaw öçen Törkiyä ilbaşı Räcäp Tayyip Ärdoğannıň süzläre urın alğan afişalar äzerlätüen citkerä.

Töreklär küpläp yäşägän şähärlärdän berse bulğan Duisburg qalası uramnarına êlengän saylaw afişasında Ärdoğannıň fotoräseme belän bergä “Törkiyä dusları belän bergä bulığız, alar öçen tawış biregez” digän süzlär yazılğan.

”Xörriyät” gazetı” Törkiyä möhim partnyerıbız” isemle yazmasında Franŝiya ilbaşı Êmmanuêl Makronnıň Törkiyä belän Awrupa Berlege arasında krizis barlıqqa kilüen telämäwlären belderep “Törkiyä şaqtıy krizista, ayıruça qaçaqlar krizisı häm terror yanawına qarşı möhim partnyer”dip äytüen uquçıları belän urtaqlaşa. 

”Yäni Şafak” gazetı “Êşxanäsen sütte,Törkiyägä küçerä “ isemle xäbärendä İtaliyanıň Milano qalasında 2014 nçe yılda satıp alğan  êşxanäsen Törkiyäneň Samsun qalasına küçeräçägen beldergän Adnan Ölmäzneň bu qararnıň Törkiyä häm Samsun öçen zur ähämiyätkä iyä buluın ,monıň üzläre öçen strategik kapital buluı turında äytüen citkerä.