Törek matbuğatına küzätü 27.07.2017

“Star” gazetı ”Äl – Aqsa” –bezneň namusıbız” isemle yazmasında Törkiyä ilbaşı Räcäp Tayyip Ärdoğannıň “Äl-Aqsa”mäçete dan - şöhräten saqlawnıň böten İslam dönyasınıň wazıyfası buluı turında äytüen citkerä.

Ärdoğan:”İzrail tınıç şartlarda yäşärgä teli ikän töbäkne ut bocrasına kertäçäk säyäsätlärdän yıraq torırğa tiyeş”,-dide. 

 “Xäbär Türk” gazetı  "Farsı qultığı investiŝiyäläre 5 tapqırğa arttı” isemle xäbärendä Törkiyä iq’tisad ministrlığı mäğ’lümatlarına kürä ağımdağı yılnıň 5 ayında Törkiyägä çit illärdän kertelgän turıdan –turı kapitalnıň uzğan yılnıň şul uq däwere belän çağıştırğanda 65%qa artıp 3 milliard 600 million dollarğa citüen belderä.

Ğinawar-may ayları çorında iň yuğarı artış Farsı qultığı illärendä küzätelde.

“Vatan” gazetı “Törek saqlanu şirkätläre kütäreleştä” isemle yazmasında Törkiyäneň “ASELSAN”, “TUSAŞ” häm “ROKETSAN” şirkätläreneň dönyanıň iň zur 100 saqlanu sänäğäte şirkäte arasına kerüen xäbär itä.

Xäbärdän kürengänçä, “Defense News” jurnalı iň abruylı saqlanu sänäğäte şirkätläre isemlegen açıqladı. Älege isemlektä 3 törek şirkäte urın aldı. Bolar -“ASELSAN”, “TUSAŞ” häm “ROKETSAN” şirkätläre.

 “Sabah” gazetı ”Hindııstanğa çarter säfärläre başlana” isemle yazmasında Törkiyä ilbaşı Räcäp Tayyip Ärdoğannıň 30 nçı aprel’dä Hindıstanğa yasağan säfäreneň näticäläre kürenä başlawın citkerä.

 Gazet beldergänçä, Törkiyä – Hindıstan turizm şurası kereşüläre belän 2018 nçe yılda ike il arasında çarter säfärläre başlatu qararına kilende. Kileşügä kürä ,atnada ber tapqır ike yaqlı çarter oçışları başqarılaçaq.

”Yäni Şafak” gazetı “Awraziya tunnelenä yäşel sertifikat” isemle xäbärendä Awraziya tunneleneň êşlätü häm qaraw binasınıñ Amerikanıň yäşel binalar şurasınıň LEED altın sertifikatın alu xoquqına iyä buluın uquçıları belän urtaqlaşa.

 Xäbärdän kürengänçä,Aziya belän Awrupa arasında qitğalar arası yulnı 5 minutta uzu mömkinlege tudırğan Awraziya tunnele tirä yaq moxitqa , cämğiyät’kä qarata totışı belän xalıqara standartlarğa ürnäk bulıp tora, êkologik üzençälekläre belän alğı planğa çığa.