Törek matbuğatına küzätü 21.07.2017

 “Star” gazetı “Ärdoğan Äl-Aqsağa kerügä çikläwlärne qabul itep bulmawın belderde” isemle xäbärendä Törkiyä ilbaşı Räcäp Tayyip Ärdoğannıň İzrail’neň Fälästingä qarata xoquq bozu oçraqları belän bäyle Fälästin däwlät başlığı Mähmüd Abbas belän söyläşüe turında yaza.

 Gazet yazuınça, söyläşüdä İzrail’neň berençe çiratta Yerusalimda bulu belän bergä xoquq bozularnı könnän kön arttıruınıň borçuğa saluına basım yasaldı. Ärdoğan “Äl-Aqsa“ mäçetenä kerülärne çikläwlärne qabul itep bulmawın citkerde.

”Sabah” gazetı ”Terrorçılarnı qoçaq cäyep qarşı aluçı ikeyözle Germaniya” isemle xäbärendä Germaniyanıň “Fätullahçı terror oyışması” häm “PKK” äğ’zası bulğan terrorçılarnı saqlaw astına aluı belän Törkiyä – Germaniya arasında başlanğan kiyerenkelekneň däwam itüen citkerä.

Törkiyä tışqı êşlar ministrlığınıň belderüendä Germaniyanıň Törkiyäneň iminlegen,isänlegen maqsat itep alğan terror oyışmalarına üz cirlärendä küz yomıp qaluına iğ’tibar yünältelde. 

 “Yäni Şafak” gazetı “Kipr milli mäs’äläbez” isemle xäbärendä  Törkiyä prem’yer-ministrı Binali Yıldırımnıň zur tırışlıqlar näticäsendä ike tapqır cıyılğan häm Berläşkän Millätlär Oyışmasınıň yaxşı niyät missiyäse qısasında êşçänleklären däwam ittergän Kipr konferenŝiyälärendä näticägä ireşelä alınmawın , greklarnıň mondıy çişeleşkä äzer bulmawın açıq räweştä kürsätüen belderüe turında yaza.

Kipr tınıçlıq xäräkäteneň 43yıllığı tantanasında yasağan çığışında Yıldırım xäräkätneň borılış noqtasın buluın assızıqladı.  

”Xäbär Türk”gazetı “Törkiyä 2050 nçe yılda dönyanı idarä itäçäk iq’tisadlar arasında” isemle xäbärendä xalıqara bäysez kontrol’ tikşerü firması “PwC” äzerlägän xisapta illärneň satıp alu köçe qimmät tigezlege bazasında milli tulayım tabışları öçen 2050 nçe yıl farazlarınıň bilgelänüen häm 32 däwlätneň dönya iq’tisadın üz qulında totaçağına basım yasaluın citkerä.

Xisapta älege farazlar nigezendä Törkiyä isemlektä  11 nçe urında urnaştı.

”Xörriyät” gazetı  “Törkiyä banklarınıň näticälelege Awrupadan tağın da yaxşıraq” isemle xäbärendä Xalıqara kredit bäyäläw oyışması “Standard and Poor’s” (S&P)nıň global’ reytinglar direktör urınbasarı Magar  Kouyoumdjiannıň Törkiyä banklarınıň Awrupadağılarğa kürä tağın da näticäle häm totrıqlı buluına basım yasawın uquçıları belän urtaqlaşa.