Törek matbuğatına küzätü 20.07.2017

 “Sabah” gazetı” AQŞnıň “PKK/PYD”ga yärdäme tağın ber tapqır dokumentlar belän raslandı” isemle xäbärendä “Anadolu” agentlığınıň Amerika Quşma Ştatlarınıň separatist terror oyışması “PKK”nıň Süriyädäge törkeme “PYD/YPG” basıp alğan töbäktäge 2 hawa bazası häm 8 xärbi punkt isemlege urın alğan xäbäreneň kiň yaňğıraş tabuı turında yaza.

”Xäbär Türk” gazetı” Cirle tank “Altay”nı êşläp çığaruda yaňalıq” isemle xäbärendä Törkiyäneň cirle tankı” Altay”nı êşläp çığaru öçen “Otokar” şirkäte belän bergä “BMC” häm “FNSS”neň tendrğa täq’dim yasaw öçen çaqırıluın citkerä.

Xäbärdän kürengänçä, 3 cirle şirkät qatnaşaçaq tendr berençe êtapta 250 tank êşläp çığarunı küzdä tota. Törkiyä tuplam 1000 “Altay” tankı citeşterüne planlaştıra.

”Vatan” gazetı ”Rusiya turistları rekord quya” isemle xäbärendä uzğan yılnıň 1 nçe ğinwar – 17 nçe iyül’ däwerendä Antalyağa 3 million 200 turist kilüen , bıyılnıň şul uq çorında hawa yulı belän kilgän turist sanınıň 4 million 372 meňgä citüen uquçıları belän urtaqlaşa.

”Star” gazetı” Törkiyäneň üseş kürsätkeçläre kredit bäyäläw oyışmaların yänä yalğıştırdı” isemle xäbärendä Törkiyä iq’tisadının uzğan yılğı 2,9%lıq üseştän soň bıyılnıň berençe çiregendä 5% qa üsüeneň üseş farazların östen asqa kiterüen citkerä.

”Yäni Şafak” gazetı ”İstanbul birjasında maqsat – 110 meň bilgesenä ireşü” isemle xäbärendä yaqınça 7 ay yarım kütäreleştä bulğan häm yıl başınnan birle rekordlar belän kön tärtibenä kilgän İstanbul birjasınıň 13 nçe iyün’dä 100 meň, 14 nçe iyül’dä 105 meň , bügen isä 106 bilgesen uzıp kitep iň yuğarı däräcäsenä ireşüen citkerä.

Gazet yazuınça, İstanbul birjasınıň maqsatı -110 meň däräcäenä ireşü.