Törek matbuğatına küzätü 10.07.2017

 “Star” gazetı ”3 ilgä Katar säfäre” isemle xäbärendä Törkiyä ilbaşı Räcäp Tayyip Ärdoğannıň  Gamburgtağı G-20 sammitınnan soň Törkiyägä qaytqanda jurnalistlarnıň sorawlarına cawap birgandä Katar krizisına da tuqtaluın belderä.

 Xäbärdän kürengänçä, ilbaşı Ärdoğan Amerika Quşma Ştatları ilbaşı Donal’d Tramp häm Rusiya Federaŝiyäse däwlät başlığı Vladimir Putin belän ütkärgän söyläşülärdä ikeseneň dä mäs’äläne dialog yulı belän çişü yaqlı buluların belderülären citkerde.

15 nçe iyül’dän soň Farsı qultığı töbägenä qabat säfär qılırğa teläwen beldergän Ärdoğan ayıruça Katar, Kuveyt,Soğud Ğaräbstanına barırğa planlaştıruların citkerde.

”Xörriyat” gazetı” Törek xalqı ilen saqladı” isemle xäbärendä Amerika Quşma Ştatları däwlät särqätibe Reks Tillersonnıň İstanbulda 22 nçe Bötendönya neft’ kongressında qatnaşuın xäbär itä. 

Xäbärdä Tillersonnıň Törkiyädä 15 nçe iyül’däge tüntäreleş kereşüe belän bäyle tübändäge süzläre urın ala:” Yaqınça 1 yıl êlek törek xalqı tüntäreleşçelärgä tiyeşle cawapnı qaytarıp üz demokratiyälären saqlap qaldı. Törek xalqı Töp Qanunnarındağı xoquqnı qullanıp üz illären saqladı”.

”Xäbär Türk” gazetı “15 nçe iyül’dä demokratiya cıyınnarı” isemle xäbärendä 15 nçe iyül’däge xain tüntäreleş kereşüenä 1 yıl tulğan könne şähitlärneň doğalar belän iskä alınaçağın , simvolik urınnarda iskä alu häm demokratiya cıyınnarı ütkäreläçägen , ilbaşınıň da älege çaralarda qatnaşaçağın uquçıları belän urtaqlaşa.

”Sabah” gazetı “Törkiyä ênergiyada regional’ aktyer” isemle xäbärendä 22 nçe Bötendönya neft’ kongressınıň açılışında çığış yasağan Törkiyä ênergetika ministrı Bärat Albayraknıň tübändäge süzlären citkerä:” Törkiyä - regional’  ênergiya proyektları öçen ışanıçlı häm iň möhim aktyerlarnıň berse. Tınıçlıq ,totrıqlılıq,iminlek, mullıqqa öleş kertäçäk investiŝiyälärgä harwaqıt yaqlaw kürsätäçäkbez. Baqı -Tbilisi - Cäyhun neft’ ütkärgeçe häm Trans Anadolu tabiği gaz ütkärgeçe (TANAP) monıň iň möhim ürnäkläre. “Törek ağımı”n da bu proyektlardan berse itep uylarğa kiräk”.

”Yäni Şafak” gazetı “Afrodisyas bötendönya miras isemlegendä” isemle xäbärendä Törkiyädä Aydınnıň Karacasu ilçäsendäge borınğı grek häm Rim däwerlärenä qarawçı antik şähärlärdän berse bulğan Afrodisyasnıň YUNESKOnıň Bötendönya miras isemlegenä kertelüen citkerä.