Törek matbuğatına küzätü 6.07.2017

“Yäni Şafak” gazetı “Germaniya  üz-üzen üterä” isemle yazmasında Törkiyä ilbaşı Räcäp Tayyip Ärdoğannıň Gamburgta uzaçaq G-20 sammitınnan êlek Germaniya matbuğatına möhim belderülär yasawın citkerä.

Xäbärdän kürengänçä,Ärdoğan G-20 yuğarı däräcäle oçraşuınnan soň Germaniyadağı töreklär belän oçraşuına uňay qaramağan Berlin citäkçelegenä kisken räweştä reakŝiya belderde.

Törkiyä ilbaşı Germaniyanıň anda yäşäwçe töreklär belän oçraşıp söyläşergä röxsät birmäwe belän üz –üzen üterüen asszıqladı.  

”Star” gazetı “AQŞ ministrı Törkiyägä kilä” isemle xäbärendä Amerika Quşma Ştatları däwlät särqätibe Reks Tillersonnıň 9-10 nçı iyül’ könnärendä İstanbulğ kiläçägen häm yuğarı däräcäle räsmi zatlar belän küreşep söyläşäçägen xäbär itä.

”Sabah” gazetı ”Êlektrda özleksez rekord” isemle xäbärendä Törkiyä ênergetika häm tabiği çığanaqlar ministrı Bärat Albayrak 1 yıl yarım buyı alıp barğan tapşıru häm taratu asqormasındağı yaňartu êşçänlekläreneň yaxşı näticälärgä ireşüen  belderä.

Xäbärdän kürengänçä, 3 nçe iyül’dä 927 million 800 meň kilovatt belän rekord quyıluğa qaramastan täwge tapqır ut betü küzätelmäde.

”Vatan” gazetı “İstanbul , Änkara häm İzmir hawa mäydannarında yaňa cihazlar” isemle xäbärendä İstanbul, Änkara häm İzmir hawa mäydannarına yaňa cihazlar urnaştırıla başlawın uquçıları belän urtaqlaşa.

 Gazet yazuınça, älege cihazlar yärdämendä keşeneň gäwdäsenä yäşeren räweştä urnaştırılğan barlıq äyberlärne kürergä mömkin.

”Xäbär Türk” gazetı “Yoldız büläk ittem” isemle yazmasında İzrail’dä uzğan Awrupa yäş’lär arasındağı yözü çempionatında altın medal’ yawlağan Ümit Can Güräşneň änisenä birgän süzdä torıp ciňü yawlawı belän bik bäxetle buluı turında äytüen citkerä.