Törek matbuğatına küzӓtü 22.06.2017

“Star” gazetı “Berençe itep şӓhitlӓr yanına barılaçaq” isemle yazmasında FETÖ xain tüntӓreleş kereşüen başqarğan 15nçe iyul’neň berençe yıllığında ber törkem çaranın oyıştırılaçağın citkerӓ.

Gazet yazuınça 11nçe iyul’ könne başlanaçaq programmalar şӓhitlӓr yanına baru belӓn başlanaçaq. Bu qısada barlıq vilayӓtlӓrdӓ şӓhitlӓr ziratlarına barılaçaq. Ayıruça alar ruxına Qor’ӓn uqılaçaq.

Xӓbӓrgӓ kürӓ programmalar hӓr vilayӓttӓ ayırım çara bularaq 16nçı iyul’gӓ qadӓr dӓwam itӓçӓk. İlbaşı Ӓrdoğannıň İstanbuldağı Bosfor küperendӓ oyıştırılaçaq mitingta qatnaşuı küzdӓ totıla. 15nçe iyul’ könne Mӓclestӓ Ğomüm şura maxsus utırışı uzdırılaçaq.

“Yӓni Şafak” gazetı “Törkiyӓ Ğazzӓne yalğız qaldırmıy” isemle xӓbӓrendӓ Ramazan ayı buyı Ğazzӓgӓ hӓrtörle yӓrdӓmne kürsӓtkӓn Törkiyӓ cibӓrgӓn 10 meň tonnalıq yӓrdӓm materialın iltkӓn “Şӓfqat’” köymӓseneň izrailneň Aşdod portına barıp citüen yaza.

Xӓbӓrdӓn kürengӓnçӓ köymӓdӓ 50 meň azıq-tölek tartması, 5 meň tonna on, 100 tonna peçen’ye hӓm keks, 50 meň kiyem, meň bӓyrӓm kiyeme, 18 meň 100 uyınçıq, 32 meň kanŝelyariya ӓybere hӓm balalar öçen bӓyrӓm bülӓge bularaq 1010 velosiped bar.

Gazet yazuınça yӓrdӓm materialları Ğazzӓgӓ citkerelep, ixtıyacı bulğannarğa taratılaçaq. Törek Qızılayı isӓ Ğazzdӓ töbӓkneň iň zur Afӓt hӓm humanitar yӓrdӓm logistik üzӓgen qorırğa ӓzerlӓnӓ. Logistik üzӓk kilӓse yılnı açılaçaq.

“Sabah” gazetı “Ministr Albayrak süriyӓle yӓtimnӓrgӓ awız açtırdı” isemle yazmasında Törkiyӓneň ênergetika hӓm tabiği çığanaqlar ministrı Bӓrat Albayraknıň Ӓnkarada oyıştırılğan iftar aşında süriyӓle yӓtim balalar belӓn oçraşuın citkerӓ.

Gazet yazuınça ministr Albayrak yanında xӓlӓl cefete Ӓsra Albayrak hӓm balaları bar ide. İftar aşı programmasınnan soň Albayrak yӓtim balalarğa bülӓk taratıp, rӓsemgӓ töşte.

“Watan” gazetı cӓyneň citüe belӓn cirle hӓm çit il turistlarınıň yal itü urının êzlӓwlӓren citkerӓ.

Xӓbӓrgӓ kürӓ internetta iň küp êzlӓngӓn urınnar arasında tiňsez tabiğate hӓm cӓyge êsse hawada tirlӓtmӓwçe, iskitkeç klimatı belӓn Törkiyӓneň Qara diňgez töbӓge, qoyaş, qom hӓm iskitkeç diňgez êzlӓwçelӓr öçen Urta diňgez bar.

Gazet yazuınça forsatlar öçen Tönyaq Kipr Törek Cömhüriyӓtendӓge qunaqxanӓlӓrdӓ isӓ waqıtınnan alda rezervaŝiya forsatları haman da dӓwam itӓ.