Törek matbuğatına küzätü 13.06.2017

 “Xäbär Türk” gazetı” Köçle üseş birjağa rekord kiterde” isemle xäbärendä İstanbul birjası 100 indeksınıň Törkiyä iqtisadınıň berençe çirektä 5%qa üsüeneň uňay täêsire belän üz tarixınıň iň yuğarı däräcäse bulğan 99 meň 455 bilge belän rekord quyuın citkerä.

”Yäni Şafak” gazetı “Bez diplomatiyäneň üzägendä” isemle xäbärendä 5 nçe iyün’dä Katar belän qayber Ğaräp illäre arasında başlanğan krizista Törkiyäneň ilbaşı Räcäp Tayyip Ärdoğan räislegendä aktiv diplomatiya kereşülären däwam itterüe turında yaza.

Xäbärdän kürengänçä, Farsı qultığındağı krizista Törkiyä diplomatiyäseneň näticäläre yaxşı buldı. Farsı qultığı illäre häm İrannan Törkiyägä ber-ber artlu säfärlär yasala, telefonnan söyläşülär arta.

”Xörriyät” gazetı “Törkiyäneň yärdämen onıtmayaçaqbız” isemle xäbärendä Katar prinŝessası Şäyha Äl Mayassa Äs Sanineň “Xörriyät” gazetına yasağan belderüendä 6 Farsı qultığı ile Katar belän mönäsäbätlären özgändä Törkiyäneň Katarğa yaqlaw kürsatüen belderep “Törkiyäneň Katar belän mönäsäbätläre härwaqıt yaxşı buldı. Katarda  bik äybät törek cämğiyäte bar. Bez Törkiyäneň häm törek xalqınıň yaxşılığın, yärdämnären onıtmayaçaqbız“ dip äytüen citkerä.

Prinŝessa Şäyha Äl Mayassa Äs Sani Katarda häm xätta dönyada mädäniyat – sänğät’ dönyasınıň iň köçle şäxeslärennän berse itep kürsätelä.

”Star” gazetı “Yapon xucabikäläre Törkiyä ovligaŝiyalärenä kire qayta” isemle xäbärendä Yaponiyada proŝentsız diyärlek burıçqa ala aluçı yapon xucabikäläreneň törek obligaŝiyälärenä qızıqsınuınıň artuın citkerä.

 “Sabah” gazetı “Makronnıň partiyäse ciňügä ireşte” isemle xäbärendä Franŝiyadağı parlament saylawında ilbaşı Êmmanuel Makronnın partiyäse “Cömhüriyät yöreşe xäräkäte”neň ciňügä ireşüen uquçıları belän urtaqlaşa.

 Gazet yazuınça, 1 yıl elek qorılğan partiya qısqa qına säyäsi däwerenä qaramastan Franŝiya parlamentında wazıyfa başqaraçaq 550 xalıq ışanıçlınıň küpçelegen aluğa ireşte.