Törek matbuğatına küzätü 05.06.2017

 “Xörriyät” gazetı “Rakka başladı” isemle xäbärendä Törkiyä prem’yer-ministrı Binali Yıldırımnıň Süriyädä aldan planlaştırılğan Rakka operaŝiyäseneň 2 nçe iyün’ tönendä başlanuı turında äytüen citkerä.

Xäbärdän kürengänçä, Yıldırım “Amerika Quşma Ştatları operaŝiyädän êlek tiyeşle belderüne yasadı” dide. Prem’yer-ministr AQŞnıň “PKK” separatist terror oyışmasınıň Süriyädäge törkeme “PYD/YPG”gä yaqlaw kürsätüe belän bäyle bularaq Änkaranıň tınıçsızlığınıň citkerelüen , AQŞnıň da operaŝiyädän soň “PYD/YPG” belän mönäsäbätlären ozaq däwam ittermäyäçägen,monıň  taktik xezmättäşlek buluın belderüe häm Törkiyägä garantiya birüen citkerde.

“Star” gazetı “Gabrieldän PKK açıqlawı” isemle yazmasında “Fätullahçı terror oyışması” häm “PKK” separatist terror oyışmasına qoçaq cäygän Germaniyanıň tışqı êşlär ministrı Sigmar Gabrielneň Törkiyägä säfäre aldınnan süzlären üzgärtüe turında yaza.

Gazet yazuınça, Gabriel “Bild am Sonntang” gazetına birgän interv’yusında “Töreklär bezneň “PKK”ga qarşı qırıs totış kürsätüebezne kötä. “PKK” bezdä dä tıyılğan oyışma. Alarnınň finans çığanaqların beterü häm alarğa Germaniya cirlärendä xäräkät itü urını qaldırmaw tulısınça Germaniyanıň mänfäğatenä. Bu Törkiyä xaqlı bularaq beldergan noqta” dide.

”Sabah” gazetı “Tamğaxanä Berlegendä reviziyadan 1,3% kerem” isemle xäbärendä Awrupa Berlege häm Törkiyäneň 13 nçe iyün’dä Tamğaxanä Berlegendä reviziya ütkärü öçen östäl altına utıraçağın xäbär itä.

Awrupa Berlegeneň Törkiyä delegaŝiyäse başlığı tulı wäqalätle ilçe Christian Berger yaňartunıň Törkiyä üseşenä 1,3% külämendä öleş kertäçägen citkerde.

”Yäni Şafak” gazetı “Somali köymäse yulğa çıqtı” isemle xäbärendä  Törkiyä ilbaşı Räcäp Tayyip Ärdoğannıň boyırığı belän başlatılğan “Ömet uyat” kampaniyäse qısasında Törkiyäneň “Qızılay” yärdäm oyışması, ministrlar kabinetınıň afät häm ğadättan tış xällär idäräse räislege belän törek xezmättäşlek häm koordinaŝiya agentlığı yärdäme belän Somaliğa 13 meň tonna azıq-tölek häm humanitar yärdäm iltüçe “Säbat” isemle köymäneň Märsinnan yulğa çığuın uquçıları belän urtaqlaşa.

Xäbärdän kürengänçä, Törkiyä prem’yer-ministr urınbasarı Väysi Kaynak här kön meňnärçä keşeneň ğomere özelgän Afrikağa Törkiyäneň barı tik azıq-tölek kenä tügel ,söyü häm duslıq xislären dä cibärüen belderde.

”Xäbär Türk” gazetı “Bollivud fil’mnäre Törkiyädä töşerelä” isemle xäbärendä Gollivud berençe çiratta bulu belän bergä Hindıstan häm  İran kebek kino tarmağında şaqtıy tanılğan ilneň zur byudjetlı fil’m häm seriallar öçen Törkiyäne saylawın xäbär itä.

Uzğan yıl Törkiyädä 30 dan kübräk çit il serialı häm fil’me töşerelde. Bıyıl monıň 50 dän uzuı kötelä. Törkiyä mädäniyat häm turizm ministrlığı Rusiya belän urtaq töşereläçäk fil’m häm seriallarğa yaqlaw kürsäteläçägen belderde.