Törek matbuğatına küzätü 30.05.2017

 “Yäni Şafak” gazetı “Su astı köymäsendä alman partnyerlığı” isemle xäbärendä Törkiyä häm Germaniyanıň saqlanu sänäğätendä zur külämle xezmättäşlekkä äzerlänüe turında yaza.

Xäbärdän kürengänçä, İndoneziyanıň su astı köymäse ixtıyacın qanäğät’länderü öçen alman “TyssenKruup” partnyerlığı belän tendrğa kergän Törkiyä saqlanu texnologiyäläre injenerlıq häm säwdä akŝionerlıq cämğiyäte tendrnı qazanğan oçraqta Cömhüriyät tarixınıň saqlanu tarmağındağı iň zur êksport proyektlarınnan bersen tormışqa aşıraçaq.  Proyekt qısasında İndoneziya diňgez köçläre öçen 6 su astı köymäse tözü küzdä totıla.

”Star” gazetı ”Necaşiğa tuğrılıq” isemle xäbärendä Afrikada qorılıq küzätelüen häm Törkiyä diyänät waqıfınıň İslamnıň berençe möhacirlärenä qoçağın cäygän patşa Necaşinıň onıqların onıtmawın,Êfiopiyanıň Afar vilayäte Asaiyata qalasında 1500 ğailägä Ramazan ayı uňayınnan 40 meň tonna azıq-tölek yärdäme cibärüen citkerä.

 Gazet yazuınça, Törkiyä diyänät waqıfı citäkçese Yüksäl Säzgin Necaşi xäzrätläre onıqlarına tuğrılıq burıçın tüläw öçen ayıruça Asaita şähärenä kerep çığuların beldergän.    

 “Xäbär Türk” gazetı “Hind tuylarınıň yaňa populyar urını – Antalya” isemle xäbärendä Hindıstannıň bay häm tanılğan ğailäläreneň tuylarnı çit illärdä ütkärä başlawları turında yaza.

Hind ğoref-ğadätlärenä kürä ütkärelüçe kürkäm,qupşı tuylarnı uzdıru öçen saylanğan illär arasında Törkiyä dä urın ala. Çığımnarnı kilen qaplağan million dollarlıq tuylar öçen Antalya qunaqların kötep qala.

”Xörriyät” gazetı “New-Yorkta çığış yasayaçaq” isemle xäbärendä violonçel’ sänğät’çese Çağ Ärçağnıň çit ildä çığış yasarğa äzelänüen uquçıları belän urtaqlaşa.

 Xäbärdän kürengänçä, yäş’ muzıkant dönyakülam tanılğan orkestr şefı Alan Gilbertnıň sawbullaşu konŝertında qatnaşu öçen New-Yorkka kitäçäk.

”Sabah” gazetı “Poçta tatması” fil’me Şanxayda kürsäteläçäk” isemle yazmasında “Poçta tartması” fil’me prem’yerasınıň 20 nçe Xalıqara Şanxay fil’m festivalendä tormışqa aşacağın citkerä.

Fil’m berdänber xıyalı xärbi xezmätkä baru bulğan Adämneň balaçaq dustı Nihat belän macarasın aňlata.