Törek matbuğatına küzätü 26.05.2017

“Yäni Şafak” gazetı “Awrupa Berlegenä 3 yullama” isemle xäbärendä Törkiyä ilbaşı Räcäp Tayyip Ärdoğannıñ Bel’giya başqalası Bryussel’da küreşep söyläşkän Awrupa Berlege Şurası başlığı Donal’d Task belän Awrupa Berlege Komissiyase başlığı Jan-Klod Yunkerğa anıq yullamar yasawın yaza.

Xäbärgä kürä Ärdoğan Awrupa Berlege räsmi zatları belän söyläşüendä Törkiyä-Awrupa Berlege mönäsäbätläreneñ qabat canlandırıluınıñ ähämiyätenä iğtibarnı cälep itte. Terrorçılıq belän köräştä Änkaranıñ yalğız qaluına işarät itep, terrorçılıqqa qarşı xezmättäşlekneñ nığıtıluın soradı.

Gazet yazuınça Törkiyä belän Awrupa Berlege arasında 2016nçı yılnıñ mart ayında imzalanğan qaçaqlar kileşüeneñ dä çınğa aşırıluı zarurlığın äytkän Ärdoğan Awrupa Berlege räsmi zatlarına qaçaqlar kileşüenä bäyle yöklämälärne dä xäterlätte.

“Watan” gazetı “Törkiyägä räxmätle bez” isemle xäbärendä Amerika Quşma Ştatlarınıñ Berläşkän Millätlär Oyışması daimi wäkile, ilçe Nikki Haleynıñ 8 meñ 63 süriyäle yäşägän Hataynıñ Altınözü ilçäsendäge Boynuyoğun waqıtlıça yäşäw üzägenä baruın citkerä.

Xäbärdän kürengänçä qaçaqlar şähärçegendäge sälamätlek saqlaw üzägen gizgän Haley balalar baqçasına barıp, süriyäle balalarğa täêmin itelgän mömkinleklär xaqında mäğlümat aldı.

Gazet yazuınça şähärçekneñ tormış şartlarınıñ häm birelgän mömkinleklärneñ bik yaxşı buluın beldergän Haley: “Törkiyäneñ süriyäle qunaqlarına başqarğannarı öçen räxmätle bez, törek xalqına räxmätläremne belderäm,” – dide.

“Sabah” gazetı “Törkiyä investisiya öçen üzenä cälep itüne däwam itterä” isemle xäbärendä Törkiyä-Amerikan Êş Şurasınıñ AQŞ başqalası Vaşingtonda uzuın yaza.

Xäbärgä kürä qatnaşuçılarnıñ urtaq qaraşı reformalar häm yäş xalıq sanı belän Törkiyäneñ investiśiya öçen cälep itüçe forsatlar täqdim itüe buldı.

Gazet yazuınça global’ şirkätlär öçen dä Törkiyä üzenä cälep itüçe üzäkkä äylände.